Almaty qalasynyŋ Qoǧamdyq damu basqarmasynyŋ qoldauymen «Qaisar Jürek» qoǧamdyq qory jüzege asyrǧan «Jeltoqsan – Täuelsızdık tūǧyrymy» jobasy ūlttyq ruhty nyǧaitu men jastar arasynda patriotizmdı qalyptastyru jolynda maŋyzdy qadam boldy. Būl joba 1986 jylǧy jeltoqsan oqiǧalarynyŋ maŋyzyn qaita paiymdauǧa, sol künderdıŋ qūrbandary men qaharmandaryn eske aluǧa, sonymen bırge jaŋa ūrpaqty Otandy süiuge jäne el tarihyna qūrmetpen qarauǧa şabyttandyrdy.
Jeltoqsan oqiǧalarynyŋ Qazaqstan tarihyndaǧy rölı
1986 jylǧy jeltoqsan oqiǧalary Qazaqstan tarihyndaǧy betbūrysty kezeŋderdıŋ bırı bolyp tabylady. Būl oqiǧalar Täuelsızdıkke alǧaşqy qadamdardy körsetıp, qazaq halqynyŋ öz qūqyqtary men ūlttyq qadır-qasietın qorǧauǧa daiyn ekenın däleldedı.
«Jeltoqsan – Täuelsızdık tūǧyrymy” jobasy osy tarihi kezeŋdı este saqtaudyŋ maŋyzdylyǧyn erekşe atap öttı. Joba aiasynda ūiymdastyrylǧan bılım beru därısterı men pıkırtalastar jastarǧa sol künderdıŋ maŋyzdylyǧyn jäne olardyŋ el täuelsızdıgın qalyptastyrudaǧy yqpalyn tereŋırek tüsınuge kömektestı.
Joba aiasynda bırneşe ıs-şaralar ūiymdastyryldy. Olardyŋ maqsaty – jeltoqsan oqiǧalarynyŋ qatysuşylaryn eske alu ǧana emes, sonymen bırge jaŋa buyndy el ömırıne belsendı qatysuǧa yntalandyru.
1. Bılım beru därısterı men kezdesuler
Almaty kolledjderınde «Jeltoqsan – Täuelsızdıktıŋ bastauy» jäne «Erlık pen tözımdılık: Jeltoqsan sabaqtary» taqyrybynda därıster ötkızıldı. Jastar oqiǧalardyŋ qaharmandary, olardyŋ erlıkterı jäne olardyŋ qazırgı Qazaqstan üşın maŋyzy turaly bıldı. Būl ıs-şaralar jas ūrpaqqa patriotizm el tarihyna qūrmetpen qaraudan bastalatynyn tüsınuge mümkındık berdı.
2. Mädeni jäne patriottyq aksiialar
• «Jeltoqsan – 86» saiabaǧynda studentter men oqiǧa ardagerlerınıŋ qatysuymen senbılıkter öttı. Bırlesken jūmys ūrpaqtar arasyndaǧy bailanysty nyǧaityp, bırlıktıŋ maŋyzyn körsettı.
• Ūlttyq sporttyq turnirler dästürlerdıŋ patriottyq tärbiede qanşalyqty maŋyzdy ekenın körsettı.
3. Qaiyrymdylyq bastamalar
Jobanyŋ maŋyzdy bölıgı äleumettık äljuaz toptarǧa kömek körsetu boldy. Jeltoqsan oqiǧalarynyŋ ardagerlerıne azyq-tülık sertifikattary, al köpbalaly otbasylar men balalar üilerıne qajettı kömek körsetıldı. Būl şaralar patriotizm – tek ötkenge qūrmet qana emes, bügıngı künge qamqorlyq ekenın eske saldy.
4. Motivasiialyq kezdesuler men konsertter
Täuelsızdık künıne orai ötkızılgen ıs-şaralar qatysuşylardy el jetıstıkterın atap ötıp, onyŋ damuynyŋ keleşegı turaly pıkır almasuǧa şaqyrdy.
Jeltoqsan – Täuelsızdık tūǧyrymy” jobasy ötkendı eske alu – būl qūrmet körsetu ǧana emes, bolaşaq ūrpaqty tärbieleudıŋ maŋyzdy qūraly ekenın däleldedı. 500-den astam qatysuşy patriotizmnıŋ eldıŋ damuyna qosqan jeke üles ekenın tereŋırek tüsındı.
Būl joba jastar men ardagerler arasynda dialog alaŋyna ainalyp, ūrpaqtar sabaqtastyǧyn nyǧaitty jäne täuelsızdık – būl tarihi oqiǧalardyŋ nätijesı ǧana emes, ärbır azamattyŋ kündelıktı eŋbegı ekenın tüsınuge kömektestı.
Bügınde, 40 jylǧa juyq uaqyt ötse de, jeltoqsan oqiǧalary erkındık pen täuelsızdık üşın kürestıŋ simvoly bolyp qala beredı. «Jeltoqsan – Täuelsızdık tūǧyrymy» sekıldı jobalar bızge patriotizm – tek söz emes, sanaly ıs-äreket pen eldıŋ bolaşaǧyna jauapkerşılık ekenın eske salady.
Şara Ergebaeva
