31 jeltoqsan künı Taldyqorǧan qalasynyŋ şetınde ornalasqan ekı qabatty jeke üide jarylys bolyp, bır otbasynyŋ jetı müşesı küiık pen jaraqat alyp, qalalyq auruhanalarǧa jetkızıldı, dep habarlaidy "Adyrna" ūlttyq portaly.
Jetısu oblysy TJD mälımetınşe, jarylys saldarynan üidıŋ ekınşı qabaty, qabyrǧalary men şatyry qūlap, 120 şarşy metr aumaqta ört şyqqan.
"Aldyn ala boljam boiynşa, ört tabiǧi gazdyŋ aǧuynan paida bolǧan gaz-aua qospasynyŋ jaryluynan bolǧan. Barlyq zardap şekkender türlı därejede küiık alǧan", – dep habarlady oblystyq TJD baspasöz qyzmetı.
Gazdyŋ qai jerde aǧyp ketkenı äzırge belgısız. Oqiǧa boiynşa Qylmystyq kodekstıŋ 306-babynyŋ 2-bölıgı "Qauıpsızdık talaptaryna sai kelmeitın tauarlar şyǧaru nemese ötkızu, jūmystar oryndau ne qyzmetter körsetu" boiynşa qylmystyq ıs qozǧaldy.
Oblystyq densaulyq saqtau basqarmasy zardap şekkenderdıŋ jaǧdaiy turaly äzırge aqparat bergen joq. Belgılısı – barlyq jetı adam bır otbasynyŋ müşelerı jäne ärtürlı medisinalyq mekemelerge jatqyzylǧan. Olardyŋ üşeuı – kämelet jasyna tolmaǧan balalar.
Oqiǧa ornynda jergılıktı gaz kompaniiasynyŋ mamandary men qūqyq qorǧau organdarynyŋ qyzmetkerlerı jūmysyn jalǧastyruda. Tergeu oblystyq polisiia departamentıne tapsyrylǧan, qajettı saraptamalar jürgızılude.
Ūqsas jaŋalyqtar
