Endı kölıktı bes minuttan artyq qyzdyrǧandarǧa 19 myŋ teŋge aiyppūl salynady, dep habarlaidy “Adyrna” ūlttyq portaly SMARTNEWS.KZ basylymyna sıltep.
Aqparat boiynşa, Qazaqstanda jol qozǧalysy erejelerı tek jyldamdyqty şekteudı ǧana emes, ekologiiaǧa nazar audarudy da talap etedı.
Ūzaq uaqyt kölıktı jylytu janarmai şyǧynyn arttyryp qana qoimai, atmosferaǧa ziiandy zattardyŋ, sonyŋ ışınde kömırtek totyǧynyŋ bölınuıne sebep bolady. Osyǧan bailanysty, Qazaqstanda tūrǧyn üilerdıŋ janynda jūmys ıstep tūrǧan qozǧaltqyşpen kölıktı 5 minuttan artyq toqtatyp qoiuǧa tyiym salynǧan.
Vedomstvoda atap ötkendei, QR Jol qozǧalysy erejesınıŋ (JQE) 5 bölımınıŋ 88 tarmaqşasyna säikes «eldı mekenderde qozǧaltqyşy jūmys ısteitın mehanikalyq kölık qūraldarynyŋ tūraǧyna, eger būl tūrǧyndarǧa qolaisyzdyq tuǧyzsa, tyiym salynady» dep körsetılgen.
Erejenı būzǧany üşın: – Alǧaşqy rette – 5 ailyq eseptık körsetkış (AEK), iaǧni 19 660 teŋge kölemınde aiyppūl salynady;
–Qaitalanǧan jaǧdaida – 10 AEK nemese 39 320 teŋge aiyppūl töleu kerek.
Aiyppūl salu üşın memlekettık tırkeu nömırı, qūqyqbūzuşylyq jasalǧan uaqyt pen künı körsetılgen 5 minuttan astam beinejazba qajet.
Jol qozǧalysy erejelerınıŋ 2-bölımınıŋ 9-tarmaǧyna säikes, kölık jürgızuşısı qauıpsızdık beldıgın taǧuǧa, sondai-aq qauıpsızdık beldıgın taqpaǧan jolauşylardy tasymaldamauǧa mındettı. Būl talapty oryndamaǧan jaǧdaida 5 AEK kölemınde aiyppūl (19 660 teŋge) qarastyrylǧan.
Kölıktı jylytu nemese qauıpsızdık beldıgın taqpau siiaqty ūsaq qūqyqbūzuşylyqtar eleusız bolyp körıngenımen, aitarlyqtai qarjylyq şyǧyndarǧa äkeluı mümkın.
Ūqsas jaŋalyqtar
