AQŞ-tyŋ sailanǧan prezidentı Donald Tramp Kanadany 51-ştatqa ainaldyru turaly dau tudyrǧan ūsynystary aiasynda Kanada AQŞ-qa qosylsa karta qandai bolatynyn körsetetın ekı bırdei karta jariialady, dep habarlaidy «Adyrna» ūlttyq portaly.
Tramptyŋ Truth Social äleumettık jelısınde Kanada aumaǧy AQŞ-tyŋ tüsımen boialǧan jäne onda "Qūrama Ştattar" degen qara tüstı jazu bar.
Eske salsaq, būǧan deiın Tramp Truth Social jelısınde "eger Kanada men AQŞ bırıgetın bolsa", ekı el de paida köretının jazǧan. Qaraşa aiynyŋ soŋynda ol Kanadadan äkelınetın importqa 25 paiyzdyq baj salyǧyn engızetının jariialaǧan bolatyn.
Keiın Kanada bilıgı AQŞ-tyŋ sailanǧan prezidentınıŋ ūsynysyna üzıldı-kesıldı qarsylyq bıldırdı. Öz pıkırlerın H äleumettık jelısınde Kanada premer-ministrı Djastin Triudo men syrtqy ıster ministrı Melani Joli jariialady.
"Kanadanyŋ Qūrama Ştattardyŋ bır bölıgı boluyna eşqandai mümkındıgı joq. Ekı el de sauda men qauıpsızdık salasyndaǧy eŋ ırı serıktes bolǧandyqtan ūtady", – dep jazdy Triudo.
Al Joli öz kezegınde, Tramptyŋ būl pıkırlerı Kanadany myqty el etetın närselerdı mülde tüsınbeitının körsettı dep mälımdedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz