Qyrǧyzstanda avtokölıkke salynatyn salyq tolyǧymen joiyldy. Būl turaly bügın Sadyr Japarov özınıŋ Facebook paraqşasynda jariialady, dep habarlaidy "Adyrna" ūlttyq portaly.
Jarlyqqa säikes, prezident avtokölıkterge salynatyn salyqty tolyǧymen alyp tastaudy tapsyrǧan.
"Būl şeşım "Jol qory turaly" zaŋǧa engızılgen özgerısterge bailanysty qabyldandy. Zaŋ boiynşa är litr janarmaidan bır som mölşerınde alym alynady. Kölıkterge salynatyn salyq alynyp tastaldy, onyŋ ornyna 2025 jyldyŋ 1 qaŋtarynan bastap är litr benzin nemese dizel otyny üşın bır som (6,11 teŋge) alynady" - dedı Sadyr Japarov.
Sondai-aq, prezident 2025 jyldyŋ 1 qaŋtaryna deiın avtokölık salyǧyn tölemegen azamattardy salyqtan bosatudy tapsyrdy.
"Salyq tölemegen azamattardyŋ sany az emes ekenı anyqtaldy. Memleket üşın ülken qiyndyqtarǧa qaramastan, bız osyndai şeşım qabyldadyq" - dedı Qyrǧyzstan prezidentı.
Japarov sözınıŋ soŋynda memlekettıŋ küşı men damuy jinalatyn salyqtarǧa bailanysty ekenın eske saldy.
"Jalaqyny, zeinetaqyny, järdemaqyny arttyru, äleumettık nysandar salu, joldardy asfalttau jäne basqa da jūmystar jinalǧan salyqtarǧa täueldı. Bız salyq tölemeu jazasyz qalatyn närse degen tüsınıkten aryluymyz kerek. Bız ülgı tūtatyn damyǧan elderde salyq töleu mındet sanalady. Olardy tölemeu nemese salyqtan jaltaru üşın öte qatal jaza qarastyrylǧan. Sondyqtan bızde de salyqtar mındettı boluy tiıs. Osy sätten bastap salyqty uaqytyly töleŋızder"- dep jazdy ol.
Ūqsas jaŋalyqtar
