Jelıde oraldyq bloger Qolǧanat Jūmabaev kämeletke tolmaǧan qyzdarǧa jazyp, qyryndady degen dau şyqty. Būl turaly blogerdıŋ äielıQūlpynai Kalmenova özınıŋ instagram paraqşasynda küieuınıŋ 11-12 jastaǧy qyzdarǧa sezımın bıldırgen habarlamalarymen bölıstı, dep habarlaidy “Adyrna” ūlttyq portaly.
Qūlpynai Qanat ajyrasqaly jatqan küieuı Qolǧanat Jūmabaevten pedofiliiany baiqaǧanyn mälımdedı. Ol jasöspırımderdı qorǧaǧysy keletının aityp, dabyl qaqty.
Er adam 11-12 jasar şamasyndaǧy qyzdarmen qatty qūşaqtasyp fotoǧa tüskenı köptı şoşytty. Sondai-aq hat-habarlamanyŋ ışınde “ǧaşyq bolyp qaldym ǧoi”, “sūluym”, “fotoŋa qarai beremın” degen syndy sözder jazylǧan. Osydan soŋ Qolǧanat Jūmabaev fotoǧa tüsken ekı qyzdan äielınen keşırım sūratqyzǧan. Qūlpynai Qanat qyzdardyŋ analaryna jazyp, eskertu jasady.
Osy daudan soŋ qyzdardyŋ bırı blogerdıŋ azǧyndauyna ūşyraǧanyn jazǧan.
“Apai, būl qyzdardyŋ arasynda men de boldym. Būlar menı toptan şyǧaryp jıberdı. Aǧai menıŋ tösımdı ūstady. Men odan qorqamyn. Qorqyp, anama da aitqan joqpyn. Myna aǧaidy sottatyŋyzşy” delıngen hatta.
Būl jazbalar balalar qūqyǧy boiynşa uäkıl Dinara Zakievaǧa jettı. Ol Qūlpynai Qanattyŋ postyna pıkır bıldırıp, jekege jazǧanyn mälımdedı.
Oraldyq bloger de būl oqiǧaǧa qatysty pıkır bıldırıp, aram nietı bolmaǧanyn, aǧalyq mahabbatyn jetkızgenın aitty. Jūmabaev ekı jasöspırım qyzdyŋ analaryn da şaqyrtyp, videoǧa tüsırgen.
“Aişa sol künı basqa qyzdarmen renjısıp qalǧan. Sol üşın qūlaǧyna sybyrlap, “renjıspeŋder, tatu bolyŋdar” dep jatqanymda fotoǧa tüsırıp alypty. Men qyzdardyŋ ata-analaryna jazyp, olardy sūrap alamyn. Qaryndastarymdai körıp “janym, kökem” dep söilesemın. “Krasavisasyŋ” dep söilesemın, olar da “aǧai, symbatty bolyp ketıpsız” dep qaljyŋdaidy. Aram nietımız joq”, – dedı ol.
Qyzdardyŋ analary da blogerdı jaqtap, eşqandai ersı närse joq ekenın aitty.
“Eşqandai pedofildy körıp tūrǧan joqpyz, ol – aǧasy. Heit üşın jasap otyrǧanyn bılemız. Qyzymnyŋ fotosyn jelıge jariialaǧany üşın sotqa beremın. Taŋǧa deiın uaqyt beremız, öşırıp tastaŋyz. Kışkentai qyzdardyŋ kınäsı joq, ony aǧasyndai syilaidy. Oramaldaǧy äiel küieuınıŋ jamandyǧyn şyǧarmauy kerek. Äiel küieuınıŋ jamandyǧyn jasyryp, jaqsylyǧyn asyruy kerek”, – dedı ana.
Qolǧanat Jūmabaev balalarmen türlı videolar tüsıredı jäne balalarǧa arnalǧan barberşopy bar.
Osy jaǧdaidan soŋ kouch Roza Äşırbaeva, advokat Janna Orazbaqova, qūqyq qorǧauşy, belsendı Aitbek Amangeldı de pıkır bıldırıp, ıstı baqylauǧa alu kerek ekenın mälımdedı. Sondai-aq balalardyŋ jeke şekarasy bolatynyn, beitanys eresek pen bala arasyndaǧy subordinasiia saqtaluy keregın aitty.
Almaty qalasy polisiia departamentınıŋ baspasöz qyzmetı būl oqiǧaǧa qatysty pıkır bıldırdı. «Jala jabu faktısı boiynşa Nauryzbai audanynyŋ polisiia basqarmasyna jergılıktı tūrǧyn jūbaiyna qatysty ötınışpen jügındı. Qazırgı uaqytta tekseru şaralary jürgızılıp jatyr. Pedofiliia faktısı boiynşa polisiiaǧa aryzdar men ötınışter tüspedı», dep jauap berdı PD.
