Foto: Instagram/ @efw.kz
Almaty qalasynyŋ soty äleumettık jelıde Mini Knopka atymen tanymal Aigerım Berdalievany ūsaq būzaqylyq jasaǧany üşın kınälı dep tanydy, dep habarlaidy "Adyrna".
Sot qaulysymen blogerge 60 550 teŋge kölemınde aiyppūl salyndy. Oǧan Threads äleumettık jelısınde köşe ataularyna qatysty pıkır bıldırıp, özıne qarsy şyqqan qoldanuşylarǧa dörekı sözder aitqany üşın äkımşılık jaza taǧaiyndalǧan.
Qalalyq sottyŋ baspasöz qyzmetı äkımşılık ıstıŋ 8 qazanda qaralǧanyn mälımdedı. Sot Berdalievanyŋ äreketın Qazaqstan Respublikasynyŋ Äkımşılık qūqyq būzuşylyq turaly kodeksınıŋ 434-babynyŋ 1-bölıgıne säikes saralaǧan.
Janjalǧa blogerdıŋ Almatydaǧy bırneşe köşenıŋ būrynǧy ataularyn qoldanǧan jazbasy türtkı bolǧan. Atap aitqanda, ol Lenin, Furmanov, Dzerjinskii, Mira jäne Komsomolskaia köşelerınıŋ eskı ataularyn atap, qazırgı ataularyn paidalanudan bas tartqan. Būl jazbaǧa narazylyq bıldırgen jelı qoldanuşylaryna bloger beiädep sözdermen jauap bergen.
Keiın Aigerım Berdalieva öz jazbasyna bailanysty keşırım sūraǧan. Alaida onyŋ mälımdemesı äleumettık jelıdegı barlyq qoldanuşynyŋ köŋılınen şyqpaǧan.
Oqiǧadan keiın Eurasian Fashion Week (EFW) ūiymy da öz ūstanymyn jariialady. Ūiym blogermen yntymaqtastyqty toqtatatynyn mälımdep, onyŋ beinesı beinelengen jarnamalyq materialdardy bilbordtar men ekrandardan alyp tastaǧanyn habarlady.
