Almaty qalasy Medeý aýdanynyń Taý-Samal shaǵyn aýdanynda tehnogendik sıpattaǵy topyraqtyń ylǵaldanýynan laı kóshkini júrdi. Bul týraly tótenshe jaǵdaılar mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Belgili bolǵandaı, oqıǵa týraly aqparat 8 aqpanda saǵat 02.20-da kelip túsken.
Mınıstrliktiń málimetinshe, sýyq sýmen jabdyqtaý qubyrynyń jarylýy saldarynan topyraq ylǵaldanyp, keıin kólemi 3200 tekshe metr bolatyn laı kóshkini júrgen. Eki jeke turǵyn úıge, onyń ishinde bireýine ishinara zaqym kelgen.
Aldyn ala aqparatqa sáıkes, úılerde tórt adam, onyń ishinde eki bala bolǵan.
Kómekke"Qazseldenqorǵaý" MM, Almaty qalasynyń "109 qutqarý qyzmeti" MM, Respýblıkalyq jedel-qutqarý jasaǵynan, Almaty qalasy TJD, TJM 28237 áskerı bóliminen, jedel medıınalyq kómek brıgadasynan, Medeý aýdanynyń ákimdiginen 160-tan astam adam jáne 30 tehnıka jumyldyryldy.
Sondaı-aq, jaqyn mańdaǵy úılerdiń turǵyndary evakýaııalandy. Olar № 47 mektepke ornalastyryldy. Olarǵa túneý orny, jyly shaı jáne basqa da qajetti kómek kórsetildi. Jınalý pýnktine ornalastyrylǵannan keıin birneshe saǵat ótken soń, turǵyndar óz erkimen dostary men týystaryna ketti.
Dárigerler brıgadasy kezekshilikti jalǵastyrýda. Oqıǵa ornynda tótenshe jaǵdaılar departamentiniń psıhologııalyq toby jumys istep jatyr. Yqtımal zardap shekkenderdi izdeý jalǵasýda. Úılerdiń jaqyn ornalasýy, tehnıkany paıdalaný múmkindiginiń bolmaýy jumystardy qıyndatyp jatyr.
Sonymen qatar oqıǵa ornyna Almaty ákimi Erbolat Dosaev ta bardy. Tótenshe jaǵdaıǵa baılanysty ol 8 aqpanǵa josparlanǵan turǵyndarmen kezdesýin keıinge qaldyrdy. Al qutqarýshylarǵa izdeý jumystaryn toqtatpaýdy tapsyrdy.
“Basty mindet – izdeý-qutqarý jumystary. Osy úıde turǵan adamdardy izdeý boıynsha mobılızaııalyq toptyń barlyǵy toqtaýsyz jumys isteýi qajet”, – dedi qala basshysy.
