Änşı Ernar Aidar jol qozǧalysy erejesın būzǧan sätın videoǧa tüsırıp, äleumettık jelıge jariialaǧan edı. Kadrlarda kölıktıŋ qos tūtas syzyqty kesıp ötıp, qarsy baǧyttaǧy jolaqqa şyqqany baiqalady. Alaida oqiǧadan keiın ol jürgızuşı kuälıgınen aiyrylmai, tek äkımşılık aiyppūlmen şekteldı, dep habarlaidy “Adyrna”.
Polisiia änşıge qatysty üş äkımşılık hattama toltyrǧanyn habarlady. IIM baspasöz qyzmetınıŋ mälımetınşe, oǧan myna baptar boiynşa aiyp taǧylǧan:
- 615-bap, 1-bölık - jaiau jürgınşıler jäne özge de jol qozǧalysyna qatysuşylardyŋ jol erejesı talaptaryn oryndamauy;
- 597-bap, 1-bölık - kölıktı toqtatu nemese qoiu qaǧidalaryn būzu (onyŋ ışınde elektr quattau stansiiasy bar oryndarda);
- 601-bap, 1-bölık - jol belgılerı nemese jolaq (razmetka) talaptaryn saqtamau.
Osy şeşım köpşılıktıŋ kümänın tudyrdy. Oqyrmandardyŋ bır bölıgı mūndai äreket üşın jürgızuşı kuälıgınen aiyru qarastyrylǧan dep esepteidı.
Eske salaiyq, ÄQBtK-nıŋ 596-baby 3-bölıgıne säikes, ereje boiynşa tyiym salynǧan jaǧdaida qarsy jolaqqa şyǧu 6 aiǧa jürgızuşı qūqyǧynan aiyruǧa äkeluı mümkın.
Tengrinews.kz IIM-nen "Nege Ernar Aidarǧa 596-baptyŋ 3-bölıgı qoldanylmady?" degen saual joldanǧan. Vedomstvo mälımetınşe, materialdardy qarau barysynda būl bapqa sai qūqyqbūzuşylyq belgılerı anyqtalmaǧan.
"Qarsy qozǧalys jolaǧyna şyǧu deregı nemese osy bapqa kıretın basqa da būzuşylyqtar tırkelmedı", - dep tüsındırdı IIM.
Jalpy aiyppūl somasy naqty aitylmady. Degenmen hattama qai baptarmen toltyrylǧany belgılı bolǧandyqtan, aiyppūldy şamalap esepteuge bolady:
- toqtau/tūraq erejesın būzu - 5 AEK;
- jol belgılerı nemese razmetka talaptaryn saqtamau - 3 AEK;
- özge qatysuşylardyŋ jol erejesı talaptaryn oryndamauy - 2 AEK.
Barlyǧy: 10 AEK. 2026 jyly būl 43 250 teŋge.
