Ile-Alatau ūlttyq tabiǧi parkınde üş-aq künnıŋ ışınde turisterge 700 mln teŋgege aiyppūl salyndy. Būl turaly Almaty qalalyq tötenşe jaǧdailar departamentı mälımdedı, dep habarlaidy “Adyrna” ūlttyq portaly.
Mälımet boiynşa, biyl ört qauıpı bar kezeŋ bastalǧaly berı 20-ǧa juyq adam äkımışılık jauapqa tartyldy. Olardyŋ ışınde altauy 2 mln 70 myŋ teŋgenıŋ aiyppūlyn töleuge mındetteldı. 690 000 teŋge aiyppūly üş-aq künde salyndy.
Äkımşılık qūqyq būzuşylyq turaly kodekstıŋ 367-baby (Ormandardaǧy, erekşe qorǧalatyn tabiǧi aumaqtardaǧy ört qauıpsızdıgı men sanitariialyq qaǧidalar talaptaryn būzu) boiynşa jeke tūlǧalarǧa 100 ailyq eseptık körsetkış (345 000 teŋge) kölemınde aiyppūl salu jazasy qarastyrylǧan, delıngen habarlamada.
Qazırgı kezde qūtqaruşylar polisiiamen bırge reidtık şaralar jürgızıp otyrady. Oǧan park mamandary men erıktıler de qatysady. Al ört oşaqtaryn erte anyqtau jäne rūqsat etılmegen jerde ört jaǧu faktılerın anyqtau üşın teplovizorlar men drondar qoldanylady.
Tötenşe jaǧdailar departamentı qala tūrǧyndary men qonaqtaryna tauly-ormandy alqaptarǧa barǧanda ört qauıpsızdıgı erejelerınıŋ talaptaryn saqtau qajettıgın eskertedı.
Negızgı erejeler:
ot jaqpau;
tamaq jasau üşın arnaiy as pısıru qūrylǧylaryn qoldanu;
temekı qaldyqtaryn tastamaudy;
kün säulesımen tez tūtanatyn bötelkelerdı, şyny synyqtaryn, basqa tūrmystyq qaldyqtardy qaldyrmau;
şöptıŋ üstıne ot jaqpau;
