Foto: gov.kz
Atyrau oblysynda jūmys ısteitın «Potensial Oil» mūnai kompaniiasy ekologiialyq zaŋnama talaptaryn būzǧany üşın 1,43 mlrd teŋgeden astam aiyppūl töledı. Būl turaly QR Ekologiia jäne tabiǧi resurstar ministrlıgınıŋ Ekologiialyq retteu jäne baqylau komitetı habarlady, dep jazady “Adyrna”.
Kompaniiadaǧy zaŋ būzuşylyqtar öŋırlık ekologiia departamentınıŋ tekseruı barysynda anyqtalǧan. Tekseru kezınde öndırıstık ekologiialyq baqylaudyŋ tiıstı deŋgeide jürgızılmegenı, aǧyndy sularǧa monitoring jasau talaptarynyŋ saqtalmaǧany belgılı bolǧan.
Sonymen qatar käsıporyn mındettı ekologiialyq eseptılıktı uaqytynda ūsynbaǧan, keibır esepterdı dūrys räsımdemegen nemese mülde tapsyrmaǧan.
Rūqsatsyz jūmystar men normativten tys şyǧaryndylar anyqtalǧan
Ekologiialyq baqylau barysynda kompaniia nysandarynda lastauşy zattardyŋ normativten tys şyǧarylǧany jäne tiıstı ekologiialyq rūqsattarsyz jekelegen jūmystardyŋ jürgızılgenı tırkelgen.
İnspektorlar rūqsat etılgen şyǧaryndylar kölemınıŋ asyp ketkenın jäne qaldyqtardy basqaru talaptarynyŋ būzylǧanyn da anyqtaǧan. Būdan bölek, käsıporyn aumaǧynan lastanǧan topyraq pen tüptık şlam tabylǧan. Atalǧan qaldyqtar qajettı rūqsattarsyz jäne bekıtılgen limittersız jinaqtalǧan.
Tekseru qorytyndysynda äkımşılık qūqyq būzuşylyq turaly 37 hattama toltyrylyp, jetı qauly şyǧarylǧan. Öndırıp alynǧan aiyppūldardyŋ jalpy kölemı 1 433 815 923 teŋgenı qūrady.
Kompaniia sot arqyly būl şeşımderge şaǧymdanǧan. Alaida bırınşı jäne apelliasiialyq instansiiadaǧy sottar kompaniianyŋ talaptaryn qanaǧattandyrmaǧan. Qazırgı taŋda aiyppūldyŋ tolyq somasy memleket kırısıne öndırılgen.
Kompaniia basşysyna qatysty qylmystyq ıs te bolǧan
«Potensial Oil» kompaniiasyna qatysty būl alǧaşqy dau emes. 2026 jylǧy tamyzda kompaniianyŋ bas direktory Ǧabiden Qaramoldin Ekologiia departamentınıŋ qyzmetkerlerıne para beruge oqtalǧany üşın kınälı dep tanylǧan.
Sot materialdaryna säikes, kompaniia basşylyǧy ekologiialyq tekserudıŋ nätijesıne yqpal etu üşın 15 mln teŋge kölemınde aqşa beruge äreket jasaǧan. Sot Qaramoldinge 270 mln teŋge aiyppūl salǧan.
Qazaqstanda mūnai-gaz kompaniialaryna qatysty ekologiialyq talaptardyŋ saqtaluyna bailanysty ırı kölemdegı öndırıp alu şaralary būǧan deiın de qoldanylǧan.
Mäselen, 2025 jylǧy qaŋtarda «Maŋǧystaumūnaigaz» kompaniiasyna aǧyndy sulardy jer qoinauyna tögu, būrǧylau qaldyqtaryn belgılengen limitten artyq jinau jäne normativten tys şyǧaryndylarǧa bailanysty jalpy somasy 32,2 mlrd teŋge aiyppūl salynǧan.
Sol kezeŋde Qaşaǧan ken ornyndaǧy operator North Caspian Operating Company kompaniiasynan qajettı rūqsatsyz gazdy alauda jaqqany üşın 3,55 mlrd teŋge öndırıp alu turaly sot şeşımı şyqqan.
Al 2026 jyly «Qaraşyǧanaq Petroleum Opereiting» kompaniiasyna normativten tys şyǧaryndylar men aǧyndy sulardy tökkenı üşın 2,07 mlrd teŋge kölemınde aiyppūl salynǧan.
Būǧan deiın, 2018 jyly «Embımūnaigaz» kompaniiasy Atyrau oblysyndaǧy ken oryndarynda ılespe gazdy zaŋsyz jaqqany üşın 6,6 mlrd teŋge tölegen.
«Potensial Oil» Atyrau oblysynda kömırsutekterdı barlau, öndıru jäne satumen ainalysady. Kompaniianyŋ nysandarynyŋ qatarynda İsatai audanyndaǧy «Jaŋatalap Şyǧys qanaty» ken ornynyŋ Ortalyq jäne Oŋtüstık kümbezderı bar.
