ىلە-الاتاۋ ۇلتتىق تابيعي پاركىندە ءۇش-اق كۇننىڭ ىشىندە تۋريستەرگە 700 ملن تەڭگەگە ايىپپۇل سالىندى. بۇل تۋرالى الماتى قالالىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، بيىل ءورت قاۋىپى بار كەزەڭ باستالعالى بەرى 20-عا جۋىق ادام اكىمىشىلىك جاۋاپقا تارتىلدى. ولاردىڭ ىشىندە التاۋى 2 ملن 70 مىڭ تەڭگەنىڭ ايىپپۇلىن تولەۋگە مىندەتتەلدى. 690 000 تەڭگە ايىپپۇلى ءۇش-اق كۇندە سالىندى.
اكىمشىلىك قۇقىق بۇزۋشىلىق تۋرالى كودەكستىڭ 367-بابى (ورماندارداعى، ەرەكشە قورعالاتىن تابيعي اۋماقتارداعى ءورت قاۋىپسىزدىگى مەن سانيتاريالىق قاعيدالار تالاپتارىن بۇزۋ) بويىنشا جەكە تۇلعالارعا 100 ايلىق ەسەپتىك كورسەتكىش (345 000 تەڭگە) كولەمىندە ايىپپۇل سالۋ جازاسى قاراستىرىلعان،
دەلىنگەن حابارلامادا.
قازىرگى كەزدە قۇتقارۋشىلار پوليتسيامەن بىرگە رەيدتىك شارالار جۇرگىزىپ وتىرادى. وعان پارك ماماندارى مەن ەرىكتىلەر دە قاتىسادى. ال ءورت وشاقتارىن ەرتە انىقتاۋ جانە رۇقسات ەتىلمەگەن جەردە ءورت جاعۋ فاكتىلەرىن انىقتاۋ ءۇشىن تەپلوۆيزورلار مەن دروندار قولدانىلادى.
توتەنشە جاعدايلار دەپارتامەنتى قالا تۇرعىندارى مەن قوناقتارىنا تاۋلى-ورماندى القاپتارعا بارعاندا ءورت قاۋىپسىزدىگى ەرەجەلەرىنىڭ تالاپتارىن ساقتاۋ قاجەتتىگىن ەسكەرتەدى.
نەگىزگى ەرەجەلەر:
وت جاقپاۋ;
تاماق جاساۋ ءۇشىن ارنايى اس ءپىسىرۋ قۇرىلعىلارىن قولدانۋ;
تەمەكى قالدىقتارىن تاستاماۋدى;
كۇن ساۋلەسىمەن تەز تۇتاناتىن بوتەلكەلەردى، شىنى سىنىقتارىن، باسقا تۇرمىستىق قالدىقتاردى قالدىرماۋ;
ءشوپتىڭ ۇستىنە وت جاقپاۋ;
