AQŞ prezidentı Tramp Europalyq komissiianyŋ amerikalyq Google kompaniiasyna 890 mln euro kölemınde aiyppūl salu turaly şeşımıne qatysty mälımdeme jasady, dep habarlaidy "Adyrna" tılşısı BILD-ke sıltep.
Europalyq odaqqa qarsy jauap şaralary qabyldanatynyn aitty. Tramp özınıŋ Truth Social äleumettık jelısındegı paraqşasynda Euroodaqtyŋ äreketın «zaŋsyz ärı etikaǧa qaişy» dep baǧalap, oǧan jauap retınde EO-ǧa qatysty eleulı tarifter engızıletının jazdy.
Europalyq komissiia Google kompaniiasyn internettegı bäsekelestıktı şektedı dep aiyptap otyr. Tergeu qorytyndysyna säikes, kompaniia ızdeu nätijelerınde öz servisterıne basymdyq bergen. Sonymen qatar Android platformasyndaǧy qosymşa äzırleuşılerdıŋ paidalanuşylardy balama tölem jüielerı men qosymşalar dükenderıne baǧyttauyna kedergı keltırgenı aitylǧan. Google taǧylǧan aiyptardy joqqa şyǧaryp, Briusseldıŋ talaptary ızdeu jüiesınıŋ sapasyn tömendetıp, Play Store dükenınıŋ qauıpsızdık tetıkterın älsıretetının mälımdedı. Kompaniia Eurokomissiia şeşımıne şaǧymdanu mümkındıgın de qarastyryp jatqanyn habarlady.
Aita keteiık, būl Google-ǧa Europalyq odaq tarapynan salynǧan alǧaşqy aiyppūl emes. Soŋǧy şeşımdı qosa eseptegende, kompaniiaǧa salynǧan antimonopoliialyq aiyppūldardyŋ jalpy kölemı 10,38 mlrd euroǧa jettı.
