Resei prezidentınıŋ baspasöz hatşysy Dmitrii Peskov Vladimir Putin men AQŞ prezidentı Donald Tramptyŋ telefon arqyly söileskenı turaly aqparatqa qatysty naqty jauap bermedı, dep habarlaidy "Adyrna" ūlttyq portaly İnterfaks-ke sılteme jasap.
"Vaşingtondaǧy äkımşılık öz jūmysyn bastaǧaly türlı bailanystar ornap jatyr. Būl bailanystar ärtürlı arnalar arqyly jüzege asady. Sondyqtan osy bailanystardyŋ köptıgın eskersek, men jeke özım keibır jaittardan habarsyz boluym mümkın. Sol sebeptı būl aqparatty ne rastau, ne joqqa şyǧaru men üşın qiyn", – dedı ol.
Būǧan deiın The New York Post gazetı Tramptyŋ Resei basşysymen Ukrainadaǧy qaqtyǧysty retteu mäselesı boiynşa telefon arqyly söileskenın habarlaǧan edı.
Būl äŋgımenıŋ qaşan bolǧany belgısız. Ekı prezidenttıŋ neşe ret telefon arqyly söileskenı turaly sūraqqa Tramp: «Men būl turaly ündemei-aq qoiaiyn», – dep jauap bergen.
Tramptyŋ aituynşa, Putin adamdardyŋ qaza tabuyn toqtatqysy keledı. Sondai-aq, AQŞ prezidentı soǧysty aiaqtaudyŋ naqty jospary bar ekenın mälımdedı.
Kelesı aptada ötetın Miunhendegı qauıpsızdık konferensiiasynda AQŞ vise-prezidentı Djei Di Vans Ukraina prezidentı Vladimir Zelenskiimen kezdesedı.
Sonymen qatar, Tramp AQŞ-tyŋ ukrainalyq sirek kezdesetın metaldar men gazǧa qol jetkızuı üşın Zelenskiimen 500 million dollarlyq kelısım jasasqysy keletının aitty. Būl kelısım Ukrainaǧa qauıpsızdık kepıldıkterın beru şartymen jasaluy mümkın.
Ūqsas jaŋalyqtar
