Qazaqstan azamattaryna böten eldıŋ soǧysyna qatysqany üşın qylmystyq jauapkerşılık qarastyrylǧanyn eskerttı, dep habarlaidy “Adyrna” ūlttyq portaly IIM baspasöz qyzmetıne sıltep.
Soŋǧy uaqytta äleumettık jelılerde şetel memleketterınıŋ Qaruly küşterımen kelısımşartqa otyryp, aqşa tabuǧa şaqyratyn jarnamalar men beinerolikter tarap jatyr. Ministrlık būl äreketterdıŋ zaŋsyz ekenın eskertedı.
- 172-bap — eger Qazaqstan azamaty şet memlekettıŋ aumaǧynda bolyp jatqan soǧysqa nemese qaruly qaqtyǧysqa zaŋsyz qatyssa (jaldamaly bolmasa da), 5 jyldan 9 jylǧa deiın bas bostandyǧynan aiyru jazasy qarastyrylǧan.
170-bap – eger azamat jaldamaly retınde soǧysqa qatyssa, onda ärekettıŋ auyrlyǧyna qarai 7 jyldan bastap ömır boiyna deiın bas bostandyǧynan aiyru, sondai-aq azamattyǧynan aiyru jäne mülkın tärkıleu jazalary qoldanyluy mümkın.
IIM azamattardy QR zaŋnamasyn qataŋ saqtauǧa jäne auyr qūqyqtyq saldarǧa äkeletın äreketterden aulaq boluǧa şaqyrady.
Ūqsas jaŋalyqtar
