Almaty qalasynyŋ äkımı Darhan Satybaldy Telegram messendjerınıŋ negızın qalauşy Pavel Durovpen kezdestı, dep habarlaidy "Adyrna" ūlttyq portaly qalalyq äkımdıkke sıltep.
Kezdesude taraptar Almatyda jasandy intellekt zerthanasyn (AI-zerthana) qūru mümkındıgın, tehnikalyq jäne IT baǧyttarynda daryndy jastardy daiarlaityn mamandandyrylǧan internat aşu jobasyn talqylady.
Būdan bölek, jasandy intellekttı bılım beru jüiesıne engızu jönındegı bırlesken bastamalar söz boldy.
Pavel Durov Qazaqstanmen serıktestıktı damytuǧa müddelı ekenın aityp, elımızdıŋ sifrlyq tehnologiialar salasyndaǧy zor äleuetın atap öttı.
"Pavel Durov Qazaqstanmen serıktestıktı damytuǧa niet bıldırıp, elımızdıŋ sifrlyq tehnologiia salasynda zor äleuetke ie ekenın atady. Sonymen qatar ol qazaqstandyq mädeniettıŋ janyna jaqyn ekenın jäne Almaty qalasyn erekşe ūnatatynyn aitty", - delıngen äkımdık habarlamasynda.
Aita keteiık, Pavel Durovtyŋ Kölsaiǧa şomylǧan sätı turaly aqparat taraǧan.
