Almaty SuperSki jobasyn ıske asyru kezınde tarihi-mädeni mūra nysandaryn saqtau mäselesı de nazardan tys qalmaidy. Qūrylys jūmystary bastalmas būryn joba aumaǧynda arheologiialyq zertteu jürgızılıp, tarihi nysandar anyqtalǧan. Būl turaly Erlan Ämırov mälımdedı.
Onyŋ aituynşa, qūrylysqa arnalǧan aumaqta aldyn ala arheologiialyq zertteu jürgızu – qalyptasqan halyqaralyq täjıribenıŋ bır bölıgı. Mūndai jūmystardyŋ negızgı maqsaty – jer qazu jūmystary bastalǧanǧa deiın tarihi-mädeni mūra nysandaryn anyqtau jäne olardy qorǧau şaralaryn belgıleu.
– Jobany ıske asyru aiasynda standartty täjıribege säikes aldyn ala arheologiialyq jūmystar jürgızıldı. Onyŋ barysynda tarihi-mädeni mūra nysandaryn anyqtau jūmystary atqaryldy. Arheologiia instituty osy zertteulerdı jürgızıp, qūrylys aumaǧynda ornalasqan nysandardy anyqtady. Olarǧa qatysty tiıstı tehnikalyq qūjattama äzırlenıp, tapsyrys beruşıge tapsyryldy. Būl materialdar jobada eskerıldı, – dedı Erlan Ämırov.
Spikerdıŋ sözınşe, qazırgı uaqytta qūrylys jūmystary anyqtalǧan tarihi nysandardyŋ qorǧau aimaqtaryn eskere otyryp jürgızılıp jatyr.
Sonymen qatar, kampus jobasy aiasynda qūrylys aumaǧymen qabattasatyn arheologiialyq nysandar tolyq zerttelgen. Zertteu qorytyndysy boiynşa tiıstı qūjattar äzırlenıp, qazır qorytyndy esep qalyptastyrylyp jatyr.
Zaŋnama talaptaryna säikes saqtaluy tiıs nysandar üşın arnaiy qorǧau aimaqtary bekıtılgen. Olardyŋ aumaǧyna arnaiy belgıler qoiylyp, būl jerlerde tarihi mūraǧa ziian keltırudıŋ aldyn alu şaralary qarastyrylǧan.
– Qūrylys aumaǧymen qabattasatyn nysandar tolyq zertteldı. Zaŋnamaǧa säikes saqtaluy tiıs nysandar boiynşa tiıstı şaralar qabyldandy. Qorǧau aimaqtary äzırlenıp, arnaiy belgılermen belgılendı. Būl yqtimal būzuşylyqtardyŋ aldyn aluǧa mümkındık beredı, – dedı spiker.
Onyŋ sözınşe, būl jūmysta Arheologiia institutynyŋ mındetı – jobanyŋ tarihi-mädeni mūrany qorǧau jäne paidalanu salasyndaǧy qoldanystaǧy zaŋnama talaptaryna säikestıgın qamtamasyz etu.
Erlan Ämırov arheologiialyq zertteulerdıŋ taǧy bır maŋyzdy mänı – qūrylys jürgızıletın aumaqtarda tarihi mūrany saqtauǧa mümkındık beru ekenın atap öttı. Onyŋ pıkırınşe, būl täsıl halyqaralyq arheologiialyq täjıribede de keŋınen qoldanylady.
Iаǧni, SuperSki jobasy aiasynda aumaqty igeru men tarihi-mädeni mūrany saqtau mäselelerı qatar qarastyrylyp otyr. Qūrylys bastalǧanǧa deiın anyqtalǧan nysandardyŋ qorǧau aimaqtary belgılenıp, olardyŋ saqtaluyna baǧyttalǧan şaralar qabyldanǧan.
