Almaly audanynda qoǧamdyq keŋıstıktı abattandyryp, ǧimarattardyŋ qasbetın jaŋartyp jatyr. Biyl 60 köppäterlı tūrǧyn üidıŋ qasbetı jöndeumen qamtyldy, onyŋ 41 nysanyndaǧy jūmystar tolyq aiaqtaldy. Öŋırlık kommunikasiialar qyzmetınde Arman Şamşin osylai dedı.
Qasbettı jöndeu qalalyq dizain-kod talabyn eskere otyryp jürgızıledı. Ǧimarattar tabiǧi tas jäne granitpen qaptalady, kondisionerlerdı sändık sebetke ornalastyrady, balkondar bıryŋǧai stilge keltırılıp, arhitekturalyq jaryq ornatylady. Tarihi maŋyzy bar ǧimarattarda sylaqtyq sändık elementterdı qalpyna keltıru jūmysy jürgızıledı.
Audannyŋ ortalyq bölıgınde bıryŋǧai jaiau jürgınşıler baǧyty qalyptasa bastady. Ol Baiseiıtova men Panfilov köşesındegı seruen aimaǧyn Masanşy men Qarasai batyr arqyly Abai daŋǧylymen bailanystyrady.
«Qazır Panfilov, Chaikovskii köşesı men Gagarin daŋǧyly abattandy. Qarasai batyr men Qūrmanǧazy köşesınde jūmys jürıp jatyr, Jas körermender teatryndaǧy alaŋqai kürdelı jöndeuden ötedı. Mūnda avtomatty jäne tamşylatyp suaru jüiesı ornatylady», - dedı äkım.
Köşenı jaryqtandyru jüiesın jaŋǧyrtu aiasynda trotuardyŋ boiyna 300 jaŋa şam ornatyldy. Audannyŋ alty köşesınde taǧy 500 baǧan ornatady.
Käsıpkerler de abattandyru jūmysyna qatysty. Jasalǧan 1648 «Abattandyru pasporty» aiasynda biznes ökılderı ırgeles aumaqtarǧa ösımdık egudı öz mındetıne alady. Qazırgı uaqytta audanda jyl soŋyna deiın josparlanǧan 70 myŋ köpjyldyq būtanyŋ 45 myŋy egılıp qoiyldy.
