Bügın, 13 qaŋtarda Fly Arystan äue kompaniiasynyŋ Astana-Öskemen reisıne otyrǧyzu kezınde jolauşylardyŋ bırı bortserıkke qol jūmsaǧan. Būl turaly äue kompaniiasynyŋ baspasöz qyzmetı aitty, dep habarlaidy «Adyrna» tılşısı.
47 jastaǧy er adam mas küiınde bortserıktıŋ ışınen ūryp jıbergen.
«Oqiǧa ornyna polisiia qyzmetkerlerı men kompaniianyŋ aviasiialyq qauıpsızdık qyzmetınıŋ mamandary şaqyryldy. Qūjattardy tekseru barysynda destruktivtı jolauşy bomba bar ekenın de mälımdedı. Osydan keiın äuejaidyŋ kinologiialyq qyzmetı şaqyrylyp, barlyq jolauşy ūşaqtan şyǧaryldy. Sondai-aq, bortserıktıŋ jaǧdaiyn tekseruden ötkızu üşın äuejaidyŋ medisinalyq qyzmetı şaqyryldy»,— delıngen habarlamada.
Äue kompaniiasy jedel türde mūqiiat tekserıs jürgızılgenın atap öttı. Baspasöz qyzmetınıŋ mälımetınşe, ūşaqtan jarylǧyş nemese basqa da tyiym salynǧan zattar tabylmaǧan.
Qazırgı taŋda küdıktı uaqytşa ūstau izoliatorynda otyr. Onyŋ üstınen būzaqylyq jäne terrorizm aktısı turaly jalǧan habarlau faktılerı boiynşa qylmystyq ıs qozǧaldy.
