AQŞ prezidentı Djo Baiden öz qyzmetın aiaqtauǧa jaqyn qalǧanda, Aq üidegı jūmysynyŋ negızgı syrtqy saiasi nätijelerınıŋ bırı retınde Ukrainaǧa Reseige qarsy küreste tabysty qoldau körsetkenın atap öttı. Būl turaly VVS jariialady, dep habarlaidy “Adyrna” ūlttyq portaly.
«Putin Ukrainaǧa basyp kırgende, ol Kievtı bırneşe künnıŋ ışınde basyp alamyn dep oilaǧan. Bıraq şyn mänınde soǧys bastalǧanda men Kievtıŋ ortalyǧynda boldym, al Putin bolmady. Putin eşqaşan ol jerde bolǧan emes. Osyny oilap körıŋızderşı!» — dedı Baiden AQŞ Memlekettık departamentınde ötken sözınde.
Sonymen qatar, ol äskeri qimyldar jürıp jatqan, amerikalyq küşter baqylamaityn aimaqqa barǧan jalǧyz Joǧarǧy Bas qolbasşy ekenın aita kettı.
«Bız Ukrainaǧa Putindı toqtatuǧa kömektestık. Qazır, üş jyl ötken soŋ, Putin özınıŋ strategiialyq maqsattarynyŋ bırıne de jetken joq. Ol Ukrainany baǧyndyra almady. NATO bırlıgın būza almady. Ülken territoriialyq jeŋısterge qol jetkıze almady», — dedı Baiden.
Baiden jūmys älı de aiaqtalmaǧanyn jäne ony tastap ketpeu keregın aitty.
Aita ketsek, 20 qaŋtarda AQŞ-tyŋ jaŋa prezidentı bolyp respublikaşyl Donald Tramp sailanuy tiıs. Ol beibıtşılıktı tez arada ornatudy jaqtap, Resei prezidentı Vladimir Putinmen kelıssözder jürgızuge daiyn ekenın mälımdegen.
Kil älemdık ekonomika institutynyŋ mälımetı boiynşa, Reseidıŋ Ukrainaǧa jasaǧan tolyqqandy basyp kıruınen 2024 jyldyŋ qazan aiynyŋ soŋyna deiın AQŞ-tyŋ Kievke körsetken kömegı 88 milliard dollardan astam bolǧan (Europa tarapynan Ukrainaǧa 125 milliard euroǧa juyq kömek körsetılgen nemese ūsynyluy tiıs).
Köptegen respublikaşyldar Baidennıŋ Ukrainaǧa orasan köp kölemde amerikandyq kömek jıberu şeşımın synǧa alyp, ony jauapsyz äreket dep sanaidy. Olardyŋ pıkırınşe, būl jaǧdaidy odan ärı uşyqtyruy mümkın, būl üşınşı düniejüzılık soǧysqa äkelıp soǧuy yqtimal.
Al keibır ukrain jäne batys sarapşylary Baidennıŋ tym saqtyq tanytqanyn, Reseimen tıkelei qaqtyǧysqa tüsu qorqynyşynan Ukrainaǧa qajettı äskeri kömektı uaqytyly jıbermegenın aitady.
Būl täsıldı qoldauşylardyŋ pıkırınşe, ärbır jaŋa qaru-jaraq türın, mysaly, HIMARS reaktivtı jüielerın, tankter men F-16 joiǧyştaryn Ukrainaǧa beru turaly şeşımder Aq üide ūzaq uaqyt talqylanǧan.
