Sauda jäne integrasiia ministrı Arman Şaqqaliev Euraziia ekonomikalyq odaǧyndaǧy kedendık baj salyǧy joǧarylauy mümkın ekenın aitty, dep habarlaidy “Adyrna” ūlttyq portaly.
Ärıptester ministrge «Biyl Euraziia ekonomikalyq odaǧynyŋ qūrylǧanyna 10 jyl boldy. Atalǧan odaqtyŋ kedendık baj salyǧynyŋ 84 paiyzy Reseige, al 7 paiyzy Qazaqstanǧa tiesılı. Aldaǧy uaqytta osy jüie özgere me? Iаǧni 7 paiyzdan 15-20 paiyzǧa arttyru josparda bar ma? Ekonomister 7 paiyz tym az ekenın aitady?» degen sūraq qoiyldy.
Arman Abaiūlynyŋ aituynşa, būl mäsele kün tärtıbınde tūr.
«Ötken jyly Euraziia ekonomikalyq odaqtyŋ jūmys tobynda bırneşe talqylau öttı. Metodologiia jaǧynan kedendık baj salyǧyn arttyruǧa bailanysty 2-3 nūsqa bar. Bıraq 15 nemese 20 paiyzǧa köteremız dep naqty aita almaimyn. Ötken jyly ükımet deŋgeiınde ükımetaralyq otyrys ötıp, kollegiianyŋ jauapty müşesı baiandama jasady. Būl mäsele bızdıŋ josparymyzda bar. Sebebı älemdegı geosaiasat özgerdı jäne sauda jaǧynan özgerıster bolyp jatyr», – dedı ol.
Jurnalist qosymşa «Kedendık baj salyǧy qanşa paiyzǧa köterıluı mümkın? Naqty qai uaqytta ögeredı? Biyl ma, keler jyly ma, joq älde būl söz küiınde qala ma?» dep sūraq qoidy.
Ministr būl mäsele jäi söz bolyp qalmaitynyna sendırdı.
«Būl mäsele kün tärtıbınde tūr jäne oǧan bailanysty bır şeşım qabyldanatyn bolady. Qazırgı 6,99 paiyzdyŋ qanşalyqty joǧarylaityny metodologiia bailanysty bolmaq. Atalǧan metodologiia kedendık baj salyǧyn 8 paiyzǧa deiın köteruge mümkındık beredı. Ekınşı metodologiia JIÖ jäne üşınşı kedendık bajdarǧa bailanysty bolmaq. Osy jyldyŋ aiaǧyna deiın aqparat bolady», – dedı ol.
