Üi satqandarǧa da salyq salynbaq. Qazaqstanda kelesı jyldan bastap küşıne enetın jaŋa Salyq kodeksı osyny közdeidı. Qūjatqa bırqatar özgerıster engızılıp otyr, dep habarlaidy “Adyrna”.
Qūjatta ışınde jyljymaityn mülık mämılesı de bar. Endı nysanǧa ielık etudıŋ eŋ az merzımınıŋ şegı ekı ese ūlǧaitylmaq. Būl mejeden asqan soŋ ǧana, salyqsyz satuǧa bolady.
Qazır jaŋa satyp alǧan üiıŋızdı bır jyldan keiın qaita satuyŋyzǧa rūqsat. 2026 jyldan bastap, ekı jyldan keiın ǧana salyq tölemei sata alasyz. Būl päterlerdı alyp satarlarǧa, paida tabu üşın üi satqandarǧa qoldanudy közdeidı.
Mäselen, päterdı arzan baǧaǧa alyp, üstıne 10 million teŋge qoiyp, paida tauyp jürgender bar. Endı olar 1 million teŋge, iaǧni tabysynyŋ 10 paiyzyn salyq retınde töleuge mäjbür bolmaq. Al paidasy ösken saiyn salyǧy da öse tüspek. Ondailarǧa 15 paiyzǧa deiın salyq salynu qarastyrylyp jatyr.
Būl tek päterlerge, jeke üilerge ǧana qatysty emes. Saiajai, kölık tūraǧy, şaruaşylyq jäne basqa da mülıkterge de osyndai salyq salynady.
Ūqsas jaŋalyqtar
