ءۇي ساتقاندارعا دا سالىق سالىنباق. قازاقستاندا كەلەسى جىلدان باستاپ كۇشىنە ەنەتىن جاڭا سالىق كودەكسى وسىنى كوزدەيدى. قۇجاتقا بىرقاتار وزگەرىستەر ەنگىزىلىپ وتىر، دەپ حابارلايدى “ادىرنا”.
قۇجاتتا ىشىندە جىلجىمايتىن مۇلىك مامىلەسى دە بار. ەندى نىسانعا يەلىك ەتۋدىڭ ەڭ از مەرزىمىنىڭ شەگى ەكى ەسە ۇلعايتىلماق. بۇل مەجەدەن اسقان سوڭ عانا، سالىقسىز ساتۋعا بولادى.
قازىر جاڭا ساتىپ العان ءۇيىڭىزدى ءبىر جىلدان كەيىن قايتا ساتۋىڭىزعا رۇقسات. 2026 جىلدان باستاپ، ەكى جىلدان كەيىن عانا سالىق تولەمەي ساتا الاسىز. بۇل پاتەرلەردى الىپ ساتارلارعا، پايدا تابۋ ءۇشىن ءۇي ساتقاندارعا قولدانۋدى كوزدەيدى.
ماسەلەن، پاتەردى ارزان باعاعا الىپ، ۇستىنە 10 ميلليون تەڭگە قويىپ، پايدا تاۋىپ جۇرگەندەر بار. ەندى ولار 1 ميلليون تەڭگە، ياعني تابىسىنىڭ 10 پايىزىن سالىق رەتىندە تولەۋگە ءماجبۇر بولماق. ال پايداسى وسكەن سايىن سالىعى دا وسە تۇسپەك. وندايلارعا 15 پايىزعا دەيىن سالىق سالىنۋ قاراستىرىلىپ جاتىر.
بۇل تەك پاتەرلەرگە، جەكە ۇيلەرگە عانا قاتىستى ەمەس. ساياجاي، كولىك تۇراعى، شارۋاشىلىق جانە باسقا دا مۇلىكتەرگە دە وسىنداي سالىق سالىنادى.
ۇقساس جاڭالىقتار
