Qazaqstan Respublikasynyŋ Ekologiia jäne tabiǧi resurstar ministrlıgınıŋ Orman şaruaşylyǧy jäne januarlar düniesı komitetı qasqyr men şibörılerdı atu turaly maŋyzdy aqparatpen bölıstı, dep habarlaidy "Adyrna" ūlttyq portaly.
2025 jylǧa arnalǧan qasqyr men şibörılerdıŋ sanyn retteudıŋ biologiialyq negızdemesı daiyndalǧan.
«2025 jyldyŋ 15 qaŋtar saǧat 10:00-den bastap retteu qajet türlerdıŋ (qasqyr, şibörı) aulauǧa rūqsat alu mümkındıgı aşylady. Biologiialyq negızdemege säikes, januarlar sanyn retteu merzımı 2025 jyldyŋ 31 jeltoqsanyna deiın bekıtıldı», – dep mälımdedı Orman şaruaşylyǧy jäne januarlar düniesı komitetı.
Aqmola, Batys Qazaqstan, Qaraǧandy, Qostanai, Maŋǧystau, Pavlodar jäne Ūlytau oblystarynda rūqsat tek üi januarlaryna şabuyl tırkelgen jaǧdaida ǧana berıledı.
Januarlar sanyn retteu boiynşa rūqsat alu räsımı Qazaqstan Respublikasynyŋ Ekologiia, geologiia jäne tabiǧi resurstar ministrınıŋ 2020 jylǧy 30 jeltoqsandaǧy №347 «Januarlar türlerın alu boiynşa rūqsat beru erejelerın bekıtu turaly» būiryǧymen retteledı.
Komitettıŋ aituynşa būl qyzmet tolyǧymen avtomattandyrylǧan. «Elektrondyq ükımet» veb-portalynda www.elicense.kz arqyly qyzmettı paidalanuǧa bolady.
Ūqsas jaŋalyqtar
