2025 jylǧy 13 qaŋtarda Özbekstanda «Ǧaryştyq qyzmet turaly» zaŋ qabyldandy, dep habarlaidy "Adyrna" ūlttyq portaly «Norma» qūqyqtyq portalyna sılteme jasap.
Qūjat ǧaryş salasyndaǧy qyzmettıŋ negızgı baǧyttaryn, maqsattary men prinsipterın anyqtap, osy salaǧa jauapty organdardyŋ ökılettıkterın belgıleidı.
Zaŋnyŋ basty maqsaty – eldıŋ tūraqty äleumettık-ekonomikalyq damuyn qamtamasyz etu, qorǧanys qabıletı men qauıpsızdıgın nyǧaitu, Jer men ǧaryş keŋıstıgın zertteu jäne ǧylymi bılımdı damytu. Sonymen qatar, ǧaryştyq tehnologiialardy paidalanu arqyly salalardy sifrlandyrudy jedeldetu, ǧylymi, äleumettık, ekonomikalyq jäne ekologiialyq zertteuler jürgızu közdelgen.
Zaŋǧa säikes, arnaiy uäkılettı organ retınde «Özbekǧaryş» agenttıgı belgılenıp, oǧan Sifrlyq tehnologiialar ministrlıgı basşylyq etedı. Qūjatta Ministrler kabinetınıŋ, sifrlyq tehnologiialar ministrlıgınıŋ jäne qorǧanys ministrlıgınıŋ mındetterı körsetılgen. Sonymen qatar, sputnikterdı paidalanu, ǧaryştyq-zymyran keşenderın qoldanu, ǧaryş nysandaryn utilizasiialau, densaulyqty, qorşaǧan ortany jäne mülıktı qorǧau siiaqty negızgı erejeler qamtylǧan.
Ministrlıkter men vedomstvolar jyl saiyn 20 şıldege deiın ǧaryştyq qyzmetterge qajettılıkter turaly esep beruı tiıs. Esepte qyzmet kölemı, oryndalu merzımı men kezeŋdılıgı körsetıledı.
Zaŋ «Narodnoe slovo» gazetınde jariialanyp, 2025 jylǧy 15 qaŋtarda küşıne endı.
Ūqsas jaŋalyqtar
