AQŞ-ta qauıpsızdık maqsatynda TikTok äleumettık jelısınıŋ jūmysyn toqtatatyn zaŋ küşıne endı, dep habarlaidy "Adyrna" ūlttyq portaly.
Būǧan deiın qytailyq ByteDance kompaniiasyna platformany satudy talap etıp, ony oryndamaǧan jaǧdaida tyiym salynatyny eskertılgen edı.
Zaŋ küşıne engenge deiın jelı AQŞ-taǧy jūmysyn toqtatty. TikTok-ty aşuǧa tyrysqan paidalanuşylar qosymşanyŋ qoljetımsız ekenı turaly habarlama köredı.
AQŞ-ta TikTok-qa tyiym salatyn zaŋ qabyldandy. Ökınışke qarai, būl sızdıŋ TikTok-ty uaqytşa paidalana almaitynyŋyzdy bıldıredı – delıngen qosymşadaǧy habarlamada.
Donald Tramp keşe NBC News jäne ABC telearnalaryna TikTok-qa 90 künge deiın uaqytşa jeŋıldık berudı josparlap otyrǧanyn aitty. AQŞ-tyŋ sailanǧan prezidentı inaugurasiiadan keiın tiıstı mälımdeme jasauǧa uäde ettı.
2024 jyldyŋ säuır aiynda AQŞ kongresı ByteDance kompaniiasyn platformany amerikalyq kompaniiaǧa satuǧa mındetteitın zaŋ qabyldaǧan edı. Būl talap oryndalmaǧan jaǧdaida, äleumettık jelı 2025 jyldyŋ 19 qaŋtarynan bastap būǧattaluy kerek bolatyn.
Amerikalyq şeneunıkterdıŋ pıkırınşe, qytailyq kompaniiaǧa tiesılı TikTok Pekinge amerikalyqtardyŋ derekterın jinap, qoǧamdyq pıkırge yqpal etuge mümkındık beruı mümkın.
TikTok kompaniiasy men Qytai ükımetınıŋ arasynda bailanys bar degen aiyptaulardy bırneşe ret joqqa şyǧardy.
Bloomberg mälımetınşe, ByteDance TikTok-ty İlon Maskke satu mümkındıgın qarastyruda degen sybystar taraǧanymen, kompaniia būl aqparatty «taza qiial» dep joqqa şyǧardy.
10 qaŋtarda AQŞ joǧarǧy sotynda ötken tyŋdauda TikTok pen kontent jasauşylardyŋ ökılderı būl tyiym 170 millionnan astam amerikalyq qoldanuşy üşın söz bostandyǧyn būzu bolatynyn mälımdedı.
TikTok qoldanuşylardyŋ ortaşa uaqyty 2024 jyly künıne 51 minut bolǧanyn aitady. Alaida AQŞ-tan tys aimaqtarǧa VPN arqyly qosylu nemese basqa amaldardy paidalanu joldary aitylǧan beinerolikter de paida boldy.
Ötken jyldyŋ jeltoqsan aiynda sailanǧan prezident Donald Tramp sottan būl mäselenı Aq üige oralǧanǧa deiın keiınge qaldyrudy sūraǧan. Ol mäselenı «saiasi şeşımmen» retteuge tyryspaq ekenın aitqan.
TikTok boiynşa şeşım jaqyn arada qabyldanady, bıraq jaǧdaidy taldau üşın uaqyt qajet, – dep jazdy Tramp 17 qaŋtarda TruthSocial jelısınde.
Aq üi zaŋdy jüzege asyru Trampqa jükteletının, onyŋ 20 qaŋtarda qyzmetke kırısetının rastady.
Ūqsas jaŋalyqtar
