Tájikstandaǵy “bılikti basyp alý” áreketi boıynsha aıyptalǵandar kinálaryn moıyndamady

928
Adyrna.kz Telegram
Foto: Fergana
Foto: Fergana

Tájikstandaǵy bılikti basyp alý áreketi jáne memleketke opasyzdyq jasaý isi boıynsha aıyptalýshylar sońǵy sózinde óz kinálaryn moıyndaǵan joq. Bul týraly «Azııa-plıýs» agenttigi óziniń derekkózderine silteme jasap jarııalady, dep habarlaıdy “Adyrna” ulttyq portaly

22 qańtarda Dýshanbedegi tergeý ızolıatorynda «tóńkeris jasaý» isi boıynsha kezekti sot otyrysy ótti. Atap aıtqanda, Tájikstannyń burynǵy Syrtqy ister mınıstri Hamrohon Zarıfı zeınetkerlikke shyqqannan keıin ózin tolyǵymen ǵylymǵa arnap, saıasattan alshaqtap ketkenin aıtty. Ol ǵylymı maqalalar men kitaptardy usynyp, taǵylǵan aıypty joqqa shyǵaryp, bosatýdy surady.

Tájikstannyń Soıal-demokratııalyq partııasy birinshi vıe-prezıdenti zańger Shokırdjon Hakımov ózine qarsy barlyq aıyptaýlardy teriske shyǵara otyryp, óz ómirin memleket pen ult máselelerin sheshýge arnaǵan naǵyz patrıot ekenin atap ótti. Sóz sóılegender sottan olardy bosatýdy surady.

Eske sala ketsek, sottalýshylar qatarynda Zarıfı men Hakımovtan basqa, Tájikstan Parlamentiniń depýtaty, Tájikstannyń Demokratııalyq partııasynyń burynǵy jetekshisi Saıddjafar Ýsmonzoda, onyń birinshi orynbasary Ahmadshoh Komılzoda, syrtqy ister mınıstrliginiń bir departamentiniń burynǵy basshysy Abdýlfaız Atoı, Tájikstan Joǵarǵy Keńesiniń burynǵy tóraǵasy Akbarshoh Iskandarov, sondaı-aq Memlekettik ulttyq qaýipsizdik komıtetiniń burynǵy qyzmetkerleri Nuramın Ganızoda men Djamshed Boboev bar.

Olardyń kópshiligi Tájikstannyń Qylmystyq kodeksiniń 305-baby («Memlekettik opasyzdyq») jáne 306-baby («Bılikti basyp alý») boıynsha aıyptalýda. Keıbir sottalýshylarǵa 247-bap («Alaıaqtyq») jáne 189-bap («Ultaralyq, násildik, aımaqtyq nemese dinı arazdyqty qozdyrý») boıynsha aıyptar taǵylǵan.

Sot proesi jabyq túrde ótip jatyr, ol týraly aqparat qupııalandyrylǵan. Alǵashqy otyrys 14 qarashada ótti. Al 8 qańtardaǵy otyrysta prokýror sottalýshylarǵa 20 jyldan 30 jylǵa deıin bas bostandyǵynan aıyrý jazasyn surady.

Pikirler