Petropavl qalalyq soty özın äleumettık jelılerde Ūlttyq qauıpsızdık komitetınıŋ (ŪQK) maiory retınde tanystyrǧan adamdy sottady, dep habarlaidy “Adyrna” ūlttyq portaly.
Azamattardy aldaǧan 31 jastaǧy Damir Amangeldievke qatysty ükım şyǧardy.
Sot mälımetınşe, sottaluşy ärtürlı adamdarǧa özın qylmystyq-atqaru jüiesı qyzmetkerı, esırtkı qylmysyna qarsy küres bölımınıŋ qyzmetkerı nemese ŪQK maiory retınde tanystyryp, türlı mäselelerdı aqşaǧa şeşıp bere alatynyn aityp sendırgen. Alaida onyŋ atalǧan qūqyq qorǧau organdarynyŋ eşqaisysynda qyzmet atqarmaǧany anyqtalǧan.
Is materialdaryna säikes, ol Petropavl tūrǧynyna jürgızuşı kuälıgın alyp beruge uäde berıp, 80 myŋ teŋge alǧan. Keibır jäbırlenuşılerden alǧan qarajat kölemı 150 myŋ teŋgege deiın jetken.
Sondai-aq sottaluşy TikTok äleumettık jelısınde tanysqan äieldı de aldap, türlı jeke jaǧdailaryn alǧa tartyp, aqşa men altyn äşekeilerın iemdengen. Keiın zergerlık būiymdardy lombardqa ötkızgen. Osy epizod boiynşa keltırılgen jalpy şyǧyn şamamen 700 myŋ teŋgenı qūrady.
Sot onyŋ būl qylmystardy probasiialyq baqylauda jürgen kezınde jasaǧanyn atap öttı.
Ol qauıpsızdıgı eŋ joǧary qylmystyq-atqaru jüiesı mekemesınde 4 jyl 8 ai merzımge bas bostandyǧynan aiyryldy.
Sonymen qatar, sot ony jäbırlenuşılerdıŋ bırıne şamamen 620 myŋ teŋge kölemındegı materialdyq şyǧyndy öteuge mındettedı.
Ükım zaŋdy küşıne engen joq.
