Uly dala joryǵy týraly vıdeolardy qarap turamyn. Sonda baıqaǵanym - shabandozdar da, olardyń bapkerleri de aýzyn ashsa: "Allanyń qalaýymen", "Alla buıyrtsa", "Allah rıza bolsyn", "Allaǵa shúkir", t.s.s. Bul ne pále?
Ýatsappen aǵylyp kelip jatatyn qaptaǵan vıdeolar aqyry bizdiń halqymyzdyń mentalıtetin buzǵan eken. Tamshy tas tesedi degen ras sóz ekendigine kóz jetti.
Keshegi erkin kúresten chempıon bolatyn jigitimiz de saqaly sapsıyp allalap tur. Sportshylardyń kóbi salapıt aǵymyna ergendigin estip-bilip júrmiz, alaıda aıdalada at baptap júrgen dalalyqtardyń allalap qalýy adamnyń kóńil-kúıin túsirip-aq jiberetin nárse.
UQK jumysty qoıdy dep júrmiz ǵoı. Keshegi sotta sol UQK ofıeri ózderine kimniń tapsyrma bergendigin, Qańtardy kim uıymdastyrǵanyn aıdaı álemge jaıyp saldy. Sonda olardyń nemen aınalysyp júrgenderi belgili boldy. Durysynda halyq ony áýelden biledi, tek sol fakt sot jáne álem aldynda naqty dáleldendi.
Muny aıtyp qoıyp qarap otyrýǵa taǵy bolmaıdy. Úkimet saýsaǵyn qımyldatady degenge de sený qıyn. Endi ne istemek kerek? Jalpy búkil halyq bolyp myna dinı aǵymǵa qarsy turýymyz kerek qoı. Ózimizdi ózimiz qorǵamasaq ult retinde saqtalyp qalýymyz qalaı bolar eken? Al ne isteımiz?
