Jurnalister men erıktıler aşyq derekközder arqyly Reseidıŋ Ukrainaǧa basyp kıru kezınde qaza tapqan kemınde 90 019 reseilık äskeri qyzmetkerdıŋ attaryn anyqtaǧan. Būl turaly VVS men «Mediazona» zerttedı, dep habarlaidy “Adyrna” ūlttyq portaly.
Onyŋ ışınde soŋǧy ekı aptada 1964 adam qaza tapty.
Zertteu avtorlarynyŋ aituynşa, qaza tapqandardyŋ 23%-y, iaǧni är törtınşısı, soǧys bastalǧannan keiın ǧana kelısımşartqa otyrǧandar. 2023 jyldyŋ qaraşa aiynda būl körsetkış 14%-dy qūraǧan.
Qaza tapqandardyŋ jartysynan köbı soǧys bastalǧan kezde Resei äskerımen bailanysy bolmaǧan adamdar. Olardyŋ 17%-y — türmedegıler, 12%-y — mobilizasiialanǧandar. Jurnalister erıktıler dep tergeu nemese sottyŋ bastalu satysynda Qorǧanys ministrlıgımen kelısımşartqa qol qoiǧandardy eseptegen. Mūndai adamdardyŋ qaza boluy 2023 jyldyŋ qazan aiynan bastap kürt ösken. Erıktıler arasyndaǧy jalpy şyǧyndar eŋ joǧary bolyp otyr — şamamen 21 myŋ adam.
2024 jyly qaza tapqandardyŋ ortaşa jasy, naqty derekter boiynşa, 36 jasty qūrady. Būl soǧystyŋ alǧaşqy ekı jylyndaǧydan köp, dep atap öttı jurnalister.
Qaza tapqandardyŋ 17%-y käsıbi äskeriler. Jurnalisterdıŋ tızımınde toǧyz general men podpolkovnik därejesındegı 500 äskeri qyzmetker bar. 2024 jyly qaza tapqandardyŋ ortaşa jasy 36 jas bolyp otyr, būl soǧystyŋ alǧaşqy ekı jylymen salystyrǧanda joǧary, dep körsetılgen zertteude.
Eŋ köp qaza tapqandar 24 qaŋtarǧa deiın Başqūrtstannan tırkelgen. Būl öŋırdıŋ bilık organdary men BAQ mälımetterı boiynşa, barlyǧy 3932 adam qaza tapqan.
Zertteuşıler qaza tapqandar tızımın aşyq derekközderden: BAQ, jergılıktı äkımşılıkterdıŋ habarlamalary, äleumettık jelılerdegı tuystardyŋ jazbalary men zirattardan alynǧan derekter negızınde jürgızude.
Olar naqty şyǧyndar äldeqaida joǧary boluy mümkın ekenın aitady, sebebı jurnalisterdıŋ taldauy naqty qaza tapqandardyŋ 45%-dan 65%-na deiıngı mölşerın qamtuy mümkın.
Resei bilıgı maidandaǧy şyǧyndar turaly resmi türde habarlamaidy. 2024 jyldyŋ aqpanynda Ukraina prezidentı Vladimir Zelenskii soǧys bastalǧaly berı 31 myŋ ukrainalyq sarbazdyŋ qaza tapqanyn habarlady. UALosses jobasy aşyq derekter negızınde sol kezde 42 myŋ adam qaza tapqanyn, al qazır ukrain äskerınıŋ şyǧyny 63,5 myŋ adamǧa jetkenın baǧalap otyr.
Batys barlau organdarynyŋ mälımetterı boiynşa, Resei men Ukraina tarapynan qaza tapqandar men jaralanǧandar sany jüzdegen myŋdy qūraidy, jäne Resei şyǧyndarynyŋ kölemı joǧary dep baǧalanuda. AQŞ prezidentı Donald Tramp Ukrainada bır millionǧa deiın reseilık äskeri qyzmetker men kemınde 700 myŋ ukrainalyqtyŋ qaza tapqanyn mälımdedı. Alaida, būl mälımdemelerdıŋ derekközderı körsetılmegen.
