Mıne, köp jaidyŋ betınıŋ aşylǧanyn osyndan bıle beruge bolady.
12 marym künı Reseidıŋ syrtqy ıster ministrınıŋ orynbasary Mihail Bogdanov "Hamas" islamdyq terrorlyq ūiymynyŋ saiai biurosynyŋ töraǧasy Mūsa Äbu-Marzūqpen söilestı. Reseidıŋ syrtqy ıster ministrlıgınıŋ resmi saitynda Reseidıŋ Palestinalyq terrorlyq ūiymdy qoldaityny resmi aityldy.
"Hamas" islamdyq terrorlyq ūiymynyŋ saiai biurosynyŋ töraǧasy Mūsa Äbu-Marzūq Äl-Aqsadaǧy jaǧdaiǧa bailanysty "Eger de halyqaralyq qauymdastyq İzrailge qysym jasaudy bastasa, bız de soǧysty toqtatamyz" dep mälımdedı.
Būnyŋ halyqaralyq qauymdastyqtan İzrailge qysym jasauyn sūrap otyrǧany tüsınıksız.
Reseidıŋ syrtqy ıster ministrınıŋ orynbasary Sergei Verşinin İzraildıŋ qazırgı İerussalimge qatysty tarihi, demografiialyq, geografiialyq statusyn qaitaryp, zaŋsyzdyqqa nükte qoiǧany dūrys dedı, RİA Novosti portalynda.
Al, "Hezbolla" terrorlyq ūiymy İrannyŋ jaǧynan ün qatyp, Palestinany qūtqarudyŋ jaŋa formatyn jasaǧaly otyr.
İzrail men Palestina arasyndaǧy qaqtyǧystan 110-nan asa adam qaitys boldy. 621 adam auyr jaraqat alǧan. Keltırılgen mälımetter boiynşa İzraildıŋ 7 azamaty qaza tapqan. Qalǧan qaza tapqandardyŋ barlyǧy Palestinalyqtar. İzrail tarapy Gaza sektoryn basyp alamyz dep bekıngen siiaqty. Al, Palestinaǧa 300 million halyqty qūraityn 21 arab memleketınıŋ bır de bıreuı tym bolmasa sözben qoldau jasauǧa jaramai tūr.
Bekbolat QARJAN,
"Adyrna" ūlttyq portaly
Ūqsas jaŋalyqtar
