Maŋǧystau oblysynda bır top adam ereuılge şyqty, dep habarlaidy "Adyrna" ūlttyq portaly.
Olar bilıkten jūmys talap etken.
Ereuılge şyqqandar jergılıktı basşylar men ükımet müşelerınıŋ arasynda sybailas jemqorlyq äreketterı bar ekenın habarlady.
"Bügın 30 qaŋtar, taŋǧy 6:30, bilık ökılderınen eşkım kelmedı, ne bolyp jatqanyn sūramady. Bız – jūmyssyzdar, şamamen 300-dei adam barmyz, älı kelemız degender de bar. Bıraz uaqyttan berı osylai sandalyp jürmız. Bızge kelıp, kömek körsetetın bilık ökılderınen, basşylyqtan eşkım joq. Men özım Qarajanbasta jūmys ısteimın, jürgızuşımın. Bızdıŋ jüie turaly qysqaşa aityp bereiın – Qarajanbasta 13 jyl boiy käsıporyndy tonap kelgen adamdar älı basşylyqta otyr. Eger sen bıreudıŋ jerlesı bolmasaŋ, tanystaryŋ joq bolsa, qyzmette ösuge, jūmysqa ornalasuǧa eş mümkındık joq, osylai şyǧyp, talap qoiuǧa tura keledı. Talap qoiǧan kezde kömek körsetıp, basşylyqtyŋ jıbergen qatelıkterın tekserıp, halyq üşın osy mäselelermen ainalyssa, onda basqa äŋgıme. Bıraq, ökınışke qarai, olai bolmai jatyr. Tek bır ǧana küdık bar – basşylar men ükımet ökılderııŋ sybailas jemqorlyqqa qatysy bar, öz adamdaryn ornalastyrady, bärı sodan bolyp jatyr", – deidı jelıde taraǧan videodaǧy er adam.Alaŋǧa top bolyp jinalǧandar dauystap "Talap etemız!" dep aiǧailaǧan.
"Bız mūnyŋ bärın toqtatyp, talap qoiuymyz kerek. Dūŋǧa käsıporny boiynşa oblys äkımı Nūrdäulet Qilybai men "QazMūnaiGaz" basqarma töraǧasynyŋ orynbasary Esqaziev arasynda memorandumǧa qol qoiylǧan, bıraq älı künge deiın basqa öŋırlerdıŋ käsıporyndarymen jūmys ıstep, sol jaqtan adamdar alady. Mysaly, Dūŋǧanyŋ özınde tügeldei derlık atyraulyq käsıporyndar jūmys ısteidı. Sondyqtan bız özımızdı jūmysqa aludy talap etemız. Jaqsy, Atyraudyŋ adamdary da jūmys ıstesın, bıraq aitqanymyzdai, bızge de nazar audarsyn", – deidı er adam.
Ūqsas jaŋalyqtar
