Mańǵystaý medıına qyzmetkerleri halyqqa úndeý tastady. Úndeýde turǵyndardyń qaýipsizdigi, sala qyzmetkerleriniń jumysyna túsinistikpen qaraýy, beıbit basqosýlardaǵy qaýipsizdik jaıy aıtylady, dep habarlaıdy "Adyrna" ulttyq portaly.
Mańǵystaý medıına qyzmetkerleri halyqqa úndeýi:
- Biz, óz naýqastarymyzdyń ómiri men densaýlyǵyn saqtaý maqsatynda táýlik boıy qyzmet kórsetetin Mańǵystaýdyń kásibı medıına qyzmetkerleriniń qaýymdastyǵy, 10 mamyr kúni keshke Jańaózen qalasyndaǵy munaı-gaz salasyna jumysqa ornalasýdy talap etip, ashtyq jarııalaǵan adamdarǵa qyzmet kórsettik.
Ashtyq jarııalaý bastalǵannan beri 24 saǵattyń ishinde narazylyq bildirýshilerden densaýlyqtarynyń nasharlaýyna baılanysty jedel járdemge 6 qońyraý kelip tústi. Bizdiń mamandar ótinish bildirgenderdiń jaǵdaıyn muqııa tekserdi (1992-1999 jyl aralyǵyndaǵy O.B., H.I., J.E., D.I., D.Q, Q.B. esimdi jas azamattar.) Olardyń aıtýynsha, ál-aýqaty nasharlaǵan. Biraq tekseris barysynda densaýlyqtaryna qaýip tónip turǵan jaǵdaı anyqtalǵan joq.Ótinish berýshiler birden aýrýhanaǵa jatqyzýdan bas tartyp, akııalaryn jalǵastyrý kerek ekenin aıtty. Sonymen qatar olar osy aqparatty áleýmettik jelilerde jarııalaý úshin jedel járdem qyzmetkerlerin uıaly telefondaryna túsirdi.Biz azamattardyń óz pikirin beıbit túrde bildirý quqyǵyn qurmetteımiz, alaıda jedel járdem qyzmetin negizsiz óz maqsattaryna paıdalaný durys emes. Sebebi ózge de aýyr halde jatqan naýqastarǵa zııanyn tıgizetinin umytpaýymyz qajet. Bizdiń qyzmetke densaýlyǵyna qaýyp tónip turǵan, shuǵyl medıınalyq kómekti qajet etetin azamattar júginedi. Biz úshin adam ómiri óte mańyzdy.Jańaózende aıyna orta eseppen 3000-ǵa jýyq adam medıınalyq kómekke júginedi. Kúnine 90-100 adamnan qońyraý kelip túsedi. Ádette, jol-kólik oqıǵalarynan zardap shekkender, egde jastaǵy adamdar, júkti áıelder men kishkentaı balalary bar analary jáne aýyr dertpen aýyratyn adamdar jedel járdem qyzmetine júginedi.Aıta ketsek, 10 mamyrdan bastap Jańaózenniń 189 turǵyny bizdiń qyzmetke júgindi. Ashtyq jarııalaǵan azamattar tarapynan qan qysymyn teksertý maqsatynda jedel járdem brıgadalaryna alty ret shaqyrtý tústi. Dál sol sátte saǵat 21:00-23.00-ge deıingi ýaqyt aralyǵynda ózge de turǵyndardan 23 qońyraý tústi. Infarkt -1, ınsýlt – 2, ishtiń aýyrýy bar júkti áıelder-2, bosaný-2, temperatýrasy 40 gradýsqa deıin kóterilgen balalar – 13 jáne egde jastaǵy adamdardan úsh shaqyrtý boldy.Biz, Mańǵystaýdyń medıına qyzmetkerleri, árbirińizdiń pikirińizdi, densaýlyǵyńyzdy qurmetteımiz. Biraq jedel járdem qyzmetin óz maqsattaryńyzǵa paıdalanbaýdy suraımyz.Biz sizge kómektesýden bas tartpaımyz jáne ómirińiz ben densaýlyǵyńyzdy saqtaý úshin shaqyrtý alǵan sátten bastap baramyz.Osyǵan baılanysty biz jedel járdem brıgadasynyń kelýin mınýttar sanap kútken basqa da adamdardyń shaqyrtýyna úlgermeýimiz múmkin. Al, ol sizdiń jaqyn adamyńyz bolýy múmkin.
Bir-birimizdi baǵalap, qurmetteıikshi!
"Adyrna" ulttyq portaly
