Maŋǧystau oblysynyŋ Işkı saiasat basqarmasy Ūlttyq valiutanyŋ 30 jyldyǧyna orai Aqtau jäne Jaŋaözen qalalaryndaǧy köşelerge ornalastyrylatyn 5 bilbordqa 1 339 285 teŋge böldı, dep habarlaidy «Adyrna» tılşısı goszakup.gov.kz saityna sılteme jasap.
Atalǧan tender 17 qazan künı jariialanǧan. Memlekettık satyp aludyŋ atauy "Aqtau jäne Jaŋaözen qalalarynyŋ köşelerınde ornalasqan bilbordtar arqyly QR Ūlttyq valiutasynyŋ qūrylu tarihymen tanystyru qyzmetı" dep atalady. Qazırşe, tenderdı ūtyp alu üşın bır ǧana kompaniia ümıtker retınde qūjattaryn tırkegen. Jeŋımpaz 24 qazan künı anyqtalady.
Tenderdı ūtyp alǧan kompaniia Aqtau qalasynda 4 (tört) bırlık jäne Jaŋaözen qalasynda 1 (bır) bırlık, barlyǧy 5 (bes) bırlık bilbord ornatuǧa, banner eskizın daiyndau, basyp şyǧaru, konstruksiia jaldau, ornalastyru, şeşıp alu jäne t.b. qyzmetterdı atqaruǧa mındettelgen. Sondai-aq, tehnikalyq sipattamada bilbordtyŋ syrtqy pışını – 3h6 kölemınde boluy kerektıgı jazylypty.
Endı, esepteŋız... 5 bilbordtyŋ jalpy ortaq qūny 1 339 285 teŋge. Demek, är danasy 267 285 teŋgege jasalady degen söz.
Ūlttyq valiutanyŋ tarihyn nasihattau üşın biudjetten 1 339 285 teŋge qarjy bölınıp daiyndalǧan sol 5
dana bilbord, bar bolǧany bır ai, iaǧni 1 jeltoqsanǧa deiın ǧana qala köşelerınde ılınıp tūrmaq eken.
Qoş! Endı bızdı myna sūraqtar mazalaidy...
1. Maŋǧystau oblysynyŋ Işkı saiasat basqarmasy QR Ūlttyq valiutasynyŋ 30-jyldyǧyn nelıkten bır ai ǧana ılınıp tūratyn 5 qana bilbordpen atap ötpek?
2. Ūlttyq valiutanyŋ tarihyn ekı qalaǧa ornatylǧan bes-aq bilbordtpen halyqtyŋ sanasyna qūiu mümkın be?
3. Maŋǧystau oblysynyŋ Işkı saiasat basqarmasy üşın töl teŋgemızdıŋ 30 jyldyq merekesı häm tarihy Aqtau men Jaŋaözennen basqa audandarǧa qajet emes pe?
4. Pışını 3h6 bilbord şyǧarudyŋ häm ıludıŋ naryqtaǧy köterme qūny 50-60 myŋ teŋgeden aspaidy. Endeşe, nelıkten är bilbordqa 267 285 myŋ teŋge jūmsalyp otyr?
Būl sūraqtarǧa atalǧan oblystyŋ Işkı saiasat basqarmasy köp keşıktırmei jauap berıp qalar dep oilaimyz. Bız ärine, Ūlttyq valiutamyz, töl teŋgemızdıŋ 30 jyldyq mereitoiynyŋ atalyp ötuıne qarsy emespız. 15 qaraşa künı bolatyn Valiuta künın baǧasy udai 5 bilbordpen jaba salu köŋılge küdık ūialatatqanyn jasyra almaimyz!
Ūqsas jaŋalyqtar
Qanat Bırlıkūly,
«Adyrna» ūlttyq portaly