Mädeniet jäne aqparat ministrı Aida Balaeva äleumettık jelıde aqparat taratatyndarǧa ündeu jasady. Būl turaly ol paraqşasynda jazdy, dep habarlaidy “Adyrna” ūlttyq portaly.
Ministr onlain-platformalarda zaŋǧa qaişy, şyndyqqa janaspaityn aqparat jiı taralatynyna narazy. Ol osyǧan bailanysty jelılık resurstardyŋ äkımşılerın jaŋalyqtar aǧynyn mūqiiat qadaǧalauǧa, rastalmaǧan aqparattyŋ taraluyna jol bermeuge şaqyrdy. Ministr äleumettık jelı qoldanuşylaryna da jazbalar men pıkırlerın zaŋ talabyna sai jazudy ūsyndy.
«Statistikaǧa süiensek, 2023 jyldan 2024 jylǧa deiıngı aralyqta Qazaqstan internet segmentınde anyqtalǧan zaŋǧa qaişy kontent kölemı ekı ese ösıp, 116 354 materialǧa jettı. Eŋ köp taralǧan zaŋbūzuşylyqtar qatarynda – terrorizmdı, dıni ekstremizmdı jäne esırtkı qūraldaryn nasihattau, onlain-kazino men qarjy piramidalaryn jarnamalau bar. Ötken jyly onlain-platformalarda 78 539 zaŋǧa qaişy material anyqtalyp, onyŋ 24,3%-y joiyldy», - dedı Aida Balaeva.
Eske salaiyq, būǧan deiın Qaznews2024 pabligınıŋ äkımşısı Temırlan Eŋsebek 2 ai merzımge qamauǧa alynǧanyn habarlaǧan edık. Oǧan taǧylǧan 174-bap tek arazdyq qozdyru ǧana emes, sondai-aq osy sanatqa jatatyn materialdardy taratu boiynşa da jauapkerşılık jükteidı.
