«Gazpromneft-Qazaqstan» benzindı tolyq qūimaǧany üşın 3 million teŋge aiyppūl arqalady

Almaty qalasynda «Gazpromneft-Qazaqstan kompaniiasy» JŞS-ǧa standarttardy būzǧany üşın 3 145 600 teŋge kölemınde aiyppūl salyndy, dep habarlaidy "Adyrna" ūlttyq portaly. Būl turaly QR Sauda jäne integrasiia ministrlıgıne qarasty Tehnikalyq retteu jäne metrologiia komitetınıŋ qalalyq departamentı habarlady. Komitet mamandary jeke tūlǧanyŋ şaǧymy negızınde jospardan tys tekseru jürgızgen. Tekseru barysynda «Ölşem bırlıgın qamtamasyz etu turaly» jäne «Tehnikalyq retteu turaly» zaŋ talaptarynyŋ būzylǧany anyqtalǧan. «Memlekettık metrologiialyq baqylau kezınde Aİ-95-K4 markaly benzinın qūiu barysynda rūqsat etılgen şektı mölşerden asatyn auytqu anyqtaldy. №1 otyn taratu kolonkasynan (TRK) 20 litr janarmai qūiylǧan kezde 100 mililitr kölemınde jetıspeuşılık bolǧan», – dep habarlady komitet ökılderı. Qazaqstan zaŋnamasyna säikes, janar-jaǧarmai qūiu beketterınde mūnai önımderınıŋ kölemın ölşeudegı eŋ joǧary rūqsat etılgen qatelık ±4% boluy tiıs. Zaŋ būzuşylyq faktısı boiynşa «Gazpromneft-Qazaqstan kompaniiasy» äkımşılık jauapkerşılıkke tartylyp, 3 million teŋgeden astam aiyppūl salyndy.