Halyqaralyq söz bostandyǧyn qorǧau qory jurnalist Aişa Qūtubaevaǧa sot ǧimaratynda jasalǧan şabuylǧa bailanysty obektivtı tergeu jürgızudı talap ettı, dep habarlaidy "Adyrna" ūlttyq portaly Ulysmedia.kz-ke sıltep.
"Ädıl söz" qory 2025 jyldyŋ 30 qaŋtarynda Astana qalasynyŋ Qylmystyq ıster jönındegı audanaralyq sotynda jurnalist Aişa Qūtubaevaǧa jasalǧan şabuylǧa qatty alaŋdauly ekenın mälımdedı.
Qor ökılderı būl Qazaqstanda jurnalisterge jasalǧan alǧaşqy şabuyl emes ekenın atap öttı.
Qordyŋ keltırgen derekterınde, 2024 jyldyŋ qyrküiegınde Petropavlda Qazmedia.kz tılşısıne polisiia reidı kezınde mas adam şabuyl jasaǧan. Sot ony ūsaq būzaqylyq boiynşa kınälı dep tanyp, 5 täulıkke qamauǧa alynǧany körsetılgen. Sondai-aq, qaraşa aiynda Batys Qazaqstan oblysynda Umarovnews.kz saitynyŋ redaktoryn sot zalynda soqqyǧa jyqty. Būl oqiǧa QR Qylmystyq kodeksınıŋ 109-baby (Ūryp-soǧu) boiynşa qaralyp, keiın kınälı taraptyŋ keşırım sūrauyna bailanysty ıs jabylǧany da körsetılgen.
"Ädıl söz" atap ötkendei, QR Qylmystyq kodeksınıŋ 158-baby (Jurnalistıŋ zaŋdy käsıbi qyzmetıne kedergı jasau) soŋǧy 15 jylda nebärı ekı ret sotqa deiın jetken. Osyǧan bailanysty qor QR Äkımşılık qūqyqbūzuşylyq turaly kodeksıne (QOAP) qosymşa jauapkerşılık engızudı ūsyndy.
"Būl özgerıs qūqyq būzuşylyqtyŋ auyrlyǧyna säikes jyldam ärı tiımdı şaralar qabyldauǧa mümkındık beredı", – dep qorytyndylady halyqaralyq ūiym.
Ūqsas jaŋalyqtar
