Kanada, Qytai jäne Meksika AQŞ-tyŋ baj salyǧyna jauap retınde şaralar qabyldauda

Kanada men Meksika AQŞ prezidentı Donald Tramptyŋ osy elderden keletın tauarlarǧa importtyq baj salyǧyn engızu turaly şeşımıne jauap qaitardy, dep habarlaidy "Adyrna" ūlttyq portaly DW-ge sılteme jasap. Kanadanyŋ premer-ministrı Djastin Triudo 1 aqpan künı keşke, Kanada AQŞ-tan importtalatyn tauarlarǧa 25 paiyzdyq baj salyǧyn engızetının mälımdedı. Jalpy soma 155 milliard kanadalyq dollardy (106 milliard AQŞ dollaryn nemese 103 milliard eurony) qūraidy. 30 milliard kanadalyq dollarlyq tauarlarǧa arnalǧan baj salyǧy 4 aqpanda küşıne enedı, qalǧan tauarlarǧa 21 künnen keiın engızıledı. Triudo kanadalyqtardy öz elderınen tauar satyp aluǧa jäne demalysty AQŞ-ta emes, öz elınde ötkızuge şaqyrdy. Ottava qosymşa şaralar qoldanudy da qarastyruda, onyŋ ışınde maŋyzdy paidaly qazbalar, energiia satyp alu jäne basqa da bırlesken jūmystardy jüzege asyru josparlanuda. Sonymen qatar, Kanada AQŞ-tan qoiylǧan baj salyǧynan zardap şekken Meksikamen bırge jūmys ısteuge niettı. Meksika prezidentı Klaudiia Şeinbaum AQŞ-qa "tariftık jäne tariftık emes şaralarmen" jauap beretının aitty. Bıraq ol dialogqa aşyq ekenın de jetkızdı. Al bırneşe saǧat būryn AQŞ prezidentı ekı körşı el men Qytaidan keletın tauarlarǧa baj salyǧyn engızu turaly jarlyqqa qol qoidy. Kanada men Meksikadan keletın tauarlarǧa salynatyn salyq mölşerı 25 paiyzdy qūraidy, al Kanadadan keletın energetikalyq resurstarǧa 10 paiyzdyq salyq salynady. Qytaidan keletın tauarlarǧa da däl osyndai 10 paiyzdyq salyq engızıldı. Tramp öz şeşımın zaŋsyz migranttar men esırtkı kontrabandasynan tuyndaǧan qauıptermen tüsındırdı. Meksika prezidentı osyǧan jauap retınde AQŞ-pen esırtkı saudasymen küres üşın bırlesken jūmys toby qūrudy ūsyndy. "Eger AQŞ qylmystyq toptarmen, esırtkı saudasymen jäne zorlyq-zombylyqpen küreskısı kelse, bız bırge jūmys ıstep, keşendı täsılder qoldanuymyz kerek. Bıraq būl ärqaşan ortaq jauapkerşılık, özara senım, yntymaqtastyq jäne eŋ bastysy, egemendıktı qūrmetteu negızınde boluy tiıs", - dep tüsındırdı Şeinbaum. Qytai da Vaşingtonnyŋ äreketıne jauap berıp, qajettı kontrşaralar qabyldaitynyn mälımdedı. Sonymen qatar, Qytai Halyqaralyq sauda ūiymyna şaǧym tüsıretının habarlady. AQŞ pen Qytai arasyndaǧy sauda qaqtyǧysy Tramptyŋ alǧaşqy prezidenttık merzımınde şielenısıp ketken bolatyn. Soŋǧy aptada Donald Tramp bırneşe maŋyzdy geosaiasi mälımdemeler jasady. Mysaly, ol Kanadany AQŞ qūramyna qosyluǧa şaqyryp, Daniiadan Grenlandiiany satyp aluǧa qyzyǧuşylyq bıldırdı. Panama kanalynyŋ AQŞ-qa qaita berıluın talap ettı jäne Meksika şyǧanaǧyn Amerikan şyǧanaǧy dep qaita atau turaly jarlyq şyǧardy.