Şvesiiadaǧy atys. Oqu ortalyǧynda 10 adam qaza tapty

Stokgolmnen 200 şaqyrym qaşyqtyqta ornalasqan Erebru qalasyndaǧy eresekterge arnalǧan oqu ortalyǧynda bolǧan atystan şamamen 10 adam qaza tapty, dep habarlaidy "Adyrna" ūlttyq portaly BBC-ge sılteme jasap. Būl ortalyq balalar mektebınıŋ qasynda ornalasqan. Jergılıktı basylymdarda bırneşe adamnyŋ qaitys bolǧany turaly aqparat būryn da taraǧan, alaida resmi mälımetterde tek alty adamnyŋ jaraqat alǧany aitylǧan. Polisiia qūrbandar turaly tüsınıkteme bermegen edı. Keiın qala polisiiasynyŋ basşysy Roberto Eid Forest būl oqiǧadan şamamen 10 adamnyŋ qaza tapqanyn rastady. Olardyŋ arasynda şabuyl jasaǧan adam da boluy mümkın. Äzırge terakt belgısı anyqtalmaǧan. "Bız būl qylmysty jalǧyz adam jasady dep oilaimyz. Oqiǧa kısı öltıruge oqtalu, ört qoiu jäne qaruly şabuyl retınde qarastyryluda," – delıngen polisiia mälımdemesınde. Kuägerler men būqaralyq aqparat qūraldarynyŋ habarlauynşa, mektep maŋynda on şaqty oq atylǧan. Būl emtihannan keiıngı uaqytqa säikes kelgen. Būl uaqytta köptegen oquşylar üilerıne taraǧan. Al mektepte qalǧandarǧa synyptarda jasyrynuǧa tura kelgen. Erebrudaǧy munisipaldy bılım beru ortalyǧy jiyrmadan asqan adamdardy oqytumen ainalysqan. Mūnda şeteldıkterge arnalǧan integrasiialyq baǧdarlamalar men mümkındıgı şekteulı adamdarǧa arnalǧan kurstar ūsynylǧan.