7 aqpan künı Qazaqstan Respublikasynyŋ Prezidentı janyndaǧy Memlekettık basqaru akademiiasynda Polşa Respublikasynyŋ Qazaqstandaǧy uaqytşa senımdı ökılı Mihal Labenda "Polşanyŋ Europalyq Odaq qūramyndaǧy 20 jyldyǧy" taqyrybynda qazaq tılınde därıs oqydy, dep habarlaidy "Adyrna" ūlttyq portaly.
Därıstıŋ qazaqşa ötuı köpşılıktı taŋǧaldyryp, erekşe äser qaldyrdy.
Mihal Labenda qazaq tılın erkın meŋgergen jäne būl onyŋ tılge, mädenietke degen erekşe qūrmetın körsetedı. Diplomattyŋ pıkırınşe, tıldı bılu – sol halyqtyŋ mädenietı men ruhyn tüsınudıŋ negızgı joly.
Aita keteiık, Mihal Labenda qazaq tılı men mädenietıne kezdeisoq qyzyqpaǧan. Ol 1999 jyly äl-Farabi atyndaǧy Qazaq ūlttyq universitetın Şyǧystanu mamandyǧy boiynşa üzdık aiaqtap, diplomdyq jūmysyn "Arab tılınen qazaq tılıne baǧynyŋqy qūrmalas söilemderdıŋ audarma ülgılerı" taqyrybynda qorǧaǧan. Polşa diplomaty qazaq tılınen bölek äzerbaijan, aǧylşyn, arab, nemıs, orys, özbek jäne fransuz tılderın meŋgergen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz