Bügın, 10 aqpan künı Qarjy ministrı Mädi Takiev pen Ūlttyq ekonomika vise-ministrı Azamat Ämrin biznes ökılderımen salyq reformasy şeŋberınde qosylǧan qūn salyǧynyŋ saralanǧan mölşerlemelerın belgıleu jönındegı Ükımet ūsynystaryn talqylady, dep habarlaidy «Adyrna» tılşısı.
«Bız mynadai tetıktı qarastyrudy ūsynamyz: jalpy belgılengen QQS mölşerlemesı 16%, auyl şaruaşylyǧy önımderın öndıruşılerdı QQS-tan tolyq bosatu, al bırqatar salalar üşın – 10% mölşerındegı aralyq mölşerleme. Osylaişa, Ükımet ūsynyp otyrǧan mölşerlemelerdı saralau: 16%, 10%, 0% jäne bosatu», – dedı ūlttyq ekonomika vise-ministrı.
Ükımettıŋ baspasöz qyzmetı QQS mölşerlemesın arttyru jäne saralau biudjettıŋ mūnaidan tüsetın özgermelı kırısterıne täueldılıgın azaituǧa jäne memlekettık basym jobalardy qarjylandyruǧa mümkındık beretının atap öttı.
«Qazırgı uaqytta agrarlyq sektorda şarua qojalyqtary QQS tölemeitını, al zaŋdy tūlǧalar qolda bar jeŋıldıkterge bailanysty biudjetke töleuge tiıstı salyqtardyŋ tek 30%-yn töleitını atap ötıldı. Jaŋa tetıkter boiynşa olardyŋ eşqaisysy QQS tölemeitın bolady. Būl qazaqstandyq auyl şaruaşylyǧy önımderın bäsekege qabılettı etuge mümkındık beredı. 10% mölşerleme qoldanylatyn salalardyŋ türlerı biznespen älı de talqylanuda»,—delıngen habarlamada.
Būǧan deiın elımızde qosylǧan qūn salyǧy mölşerlemesın 20 paiyzǧa deiın köteru mäselesı talqylandy. Prezident Qasym-Jomart Toqaev Ükımet ūsynyp otyrǧan mölşerlemenıŋ tym joǧary ekenın aityp, mäselenı taǧy da pysyqtaudy tapsyrdy.
