İzrail premerı HAMAS-tyŋ «kelısımdı būzyp, tūtqyndardy bosatudan bas tartqannan» keiın, SAHAL-ǧa Gaza sektorynyŋ ışınde jäne onyŋ ainalasynda küşterdı şoǧyrlandyruǧa būiryq bergenın aitty. Onyŋ sözınşe, «būl operasiia jaqyn arada aiaqtalady».
Būǧan deiın HAMAS İzraildı bıtım şarttaryn būzdy dep aiyptap, izraildık tūtqyndardy palestinalyq tūtqyndarǧa aiyrbastau prosesın belgısız merzımge toqtatqanyn mälımdegen.
HAMAS kelısımnıŋ bırınşı kezeŋınde bosatuy tiıs 33 izraildıktıŋ 16-sy üiıne oraldy. Olardyŋ segızı qaitys bolǧany anyqtaldy. HAMAS älı de toǧyz tırı tūtqyndy qaitaruy kerek.
İzrail bilıgınıŋ mälımetınşe, kelısımnıŋ alǧaşqy kezeŋı maqūldanǧan kezde HAMAS tūtqynynda 94 adam bolǧan.
Aita keteiık, İzrail men HAMAS arasyndaǧy kelısım üş kezeŋnen tūrady. Bırınşı kezeŋ 42 künge uaqytşa atysty toqtatudy qarastyrady. Osy kezeŋde HAMAS 33 izraildık tūtqyndy qaitaryp, İzrail şamamen 1,9 myŋ palestinalyq tūtqyndy bosatady. Sondai-aq Gaza sektorynyŋ tūrǧyn audandarynan äskerın şyǧarady. Būl gumanitarlyq kömektıŋ aimaqqa jetuıne mümkındık beredı. Bırınşı kezeŋnıŋ 16-künı taraptar ekınşı kezeŋdı talqylauǧa köşedı, onda tolyqtai atysty toqtatu, qalǧan izraildık tūtqyndardy palestinalyqtarǧa aiyrbastau jäne İzrail äskerın Gaza sektorynan tolyq şyǧaru qarastyrylady. Üşınşı kezeŋde HAMAS İzrailge öltırılgen tūtqyndardyŋ denelerın qaitarady, al halyqaralyq donorlar Gaza sektoryn qalpyna keltıru jūmystaryn bastaidy.
