14 aqpan tünde Astanada eskı vokzal maŋynda joiqyn jarylys boldy. Būl turaly QTJ baspasöz qyzmetı rastady, dep habarlaidy “Adyrna” ūlttyq portaly.
Kuägerlerdıŋ äleumettık jelılerde jariialaǧan habarlamalary boiynşa, jarylys tolqyny jaqyn audandardyŋ tūrǧyndaryna da sezılgen, kei jerlerde tıptı terezeler synǧan.
QTJ baspasöz qyzmetınıŋ mälımetınşe, Astana stansasynyŋ sūryptau jolynda jük konteinerınde jarylys bolǧan.
«Aldyn ala aqparat boiynşa, konteinerde elektroqūral-jabdyqtary (transformatorlar, generatorlar) bolǧan. Qūrban bolǧandar men jaraqat alǧandar joq. Konteiner jeke kompaniiaǧa tiesılı. Qūzyrettı organdardyŋ qatysuymen tergeu bastaldy», - dep habarlady baspasöz qyzmetı.
Astana qalalyq TJD baspasöz qyzmetı oqiǧa ornyna tez arada qūtqaruşylar jetkenın aitty. Oqiǧa nätijesınde bır adam qolynan jeŋıl jaraqat alǧan. Jedel medisinalyq kömek brigadasy oqiǧa ornynda kömek körsettı, auruhanaǧa jatqyzu qajet bolmady. Oqiǧanyŋ sebepterı men jaǧdailary anyqtalyp jatyr.
