Vashıngtonnyń okrýgtik soty AQSh prezıdenti Donald Tramptyń ákimshiligin sheteldik kómek baǵdarlamalaryn toqtatý týraly jarlyqty joıýǵa jáne osyndaı baǵdarlamalardy qaıta bastaýǵa mindettedi. Bul jóninde 13 aqpan kúni keshke Associated Press (AP) agenttigi jazdy, dep habarlaıdy “Adyrna” ulttyq portaly.
Bul USAID agenttigin qarjylandyrýdy toqtatýmen baılanysty alǵashqy sheshim ekeni aıtyldy.
Agenttiktiń habarlaýynsha, federaldy sýdıa Amır Alı óz sheshiminde "kútpegen toqtatý sheteldegi uıymdarǵa úlken zııan keltirdi" dep, USAID qarjylandyratyn eki halyqaralyq uıym - AITV (VICh) vakınasyn qorǵaý koalıııasy men Jahandyq densaýlyq saqtaý keńesi bergen talap boıynsha ýaqytsha buıryq shyǵarǵan.
Buǵan deıin Tramp ákimshiliginiń ókilderi osyndaı baǵdarlamalardy toqtatyp, “olardy qaıta qaraý nemese jalǵastyrý kerek pe” degen suraqty sheshý qajet ekenin aıtqan bolatyn. Alaıda sýdıa Alı olar "tolyq toqtatý sheteldik kómek baǵdarlamalaryn jalǵastyrýdyń jalǵyz oryndy sheshimi" ekendigin túsindirmedi jáne qarjylandyrýdy toqtatý saldarynan jabylýǵa jaqyn qalǵan kóptegen uıymdy elemeý úshin sebep keltirmegenin atap ótti.
AQSh soty USAID qyzmetkerlerin májbúrli demalystan jumysqa qaıtardy
AQSh-tyń Kolýmbııa okrýgindegi federaldy sotynyń sýdıasy 7 aqpanda prezıdent Donald Tramptyń ákimshiliginiń USAID qyzmetkerleriniń shamamen 2700-in jumysynan shettetý jáne ákimshilik demalysqa jiberý josparyn ýaqytsha toqtatty. Sonymen qatar, osy sanattaǵy demalysqa jiberilgen 500 qyzmetker jumys ornyna qaıta oralýy kerek.
Amerıkalyq BAQ-tyń habarlaýynsha, Vashıngton sýdıasy Karl Nıkols eki kásipodaqtyń shaǵymyn tyńdap, Tramp ákimshiliginiń is-áreketteriniń zańsyzdyǵyn dáleldep, josparlardy 14 aqpanǵa deıin toqtatý týraly sheshim qabyldady. Bul merzimde Tramp ákimshiliginiń is-áreketteriniń zańdylyǵy týraly dálelder tez arada qaralyp, sheshim qabyldanýy tıis.
Kásipodaqtar shaǵymynda AQSh bıliginiń USAID qyzmetine kedergi keltiretin áreketteri "álemdegi gýmanıtarlyq daǵdarysqa alyp kelip, qyzmetkerlerdiń, grant alýshylardyń jáne merdigerlerdiń mańyzdy jumysyn kenetten toqtatty, myńdaǵan jumys oryndarynyń joǵalýyna ákep soqty jáne AQSh-tyń ulttyq qaýipsizdigine qaýip tóndirdi" dep atap ótti. Qujatta USAID agenttigin taratý quqyǵy tek Kongresste ekenin jáne Tramp ákimshiliginiń áreketteri "konstıtýııaǵa qarsy jáne zańsyz" ekenin kórsetken.
Buǵan deıin Donald Tramp barlyq USAID jobalaryn 90 kúnge toqtatyp, agenttikti taratý týraly sheshim qabyldap, jumysshylardyń kóp bóligin jumystan shyǵarýdy josparlaǵan bolatyn. Reuters aqparatynsha, búkil álem boıynsha 10 000 qyzmetkeri bar agenttikte tek 290 adam ǵana qalýy tıis edi – olar densaýlyq saqtaý jáne gýmanıtarlyq kómek salasynda jumys isteıtinder. Tramp ákimshiligi USAID-ti tek negizsiz shyǵyndarmen emes, sondaı-aq "Ál-Qaıda" jáne Aýǵanstandaǵy esirtki óndirýmen baılanysty jobalardy qarjylandyrady dep aıyptady.
