Jýrnalıst Mıhıal Kozachkov jelidegi paraqshasynda halyqaralyq izdeýde júrgen Aqtaý qalasy ákiminiń burynǵy orynbasary Tımýr Sádýaqasov Ózbekstanda ustalǵanyn jazdy, dep habarlaıdy “Adyrna” ulttyq portaly.
Aqparat boıynsha, eks-sheneýnik Qazaqstannan zańsyz shyǵyp, aldymen Qyrǵyzstanǵa ótken. Sodan keıin Ózbekstan aýmaǵyna da zańsyz jolmen kirgen. Sóıtip jergilikti shekarashylardyń qolyna túsken. Endi oǵan 5 jyldan 10 jylǵa deıin bas bostandyǵynan aıyrý jazasy taǵaıyndalýy múmkin. Sebebi Ózbekstan Respýblıkasynyń shekarasyn aldyn ala kelisilgen toppen zańsyz kesip ótkenderge osyndaı jaza qarastyrylǵan.
Al Qazaqstanda Tımýr Sádýaqasov "Tıolaın" JShS basshylyǵynyń qyzmetine qatysty jemqorlyq qylmystary boıynsha kúdikke ilingen. Bul kompanııa Soltústik Qazaqstan oblysyndaǵy "Obýhovskoe" sırek kezdesetin metaldar ken ornyn ıgerýmen aınalysady.
Atalǵan kásiporynnyń akıonerleriniń biri – Vıktor Dolgalev te biraz ýaqyttan beri tergeý nysanynda. Ony zańsyz kásipkerlikpen aınalysty jáne jer qoınaýyn óz betinshe paıdalandy dep aıyptaǵan. Alǵashynda ony qazylar alqasy aqtap shyqqanymen, keıin bul sheshimniń kúshi joıylyp, is basqa aımaqta qaıta qaraýǵa jiberildi.
Tergeý boljamynsha Dolgalev árdaıym seriktesterimen zań aıasynda jumys isteı bermegen. Ol keıbir máselelerdi sheshý úshin sheneýnik Sádýaqasov arqyly quqyq qorǵaý organdarynyń kómegine júgingen. Osy sebepti Sádýaqasovqa "alaıaqtyq" jáne "para berýge ıtermeleý" baptary boıynsha aıyp taǵylǵan. Osylaısha Aqtaý ákiminiń eks-orynbasary qashýǵa májbúr boldy, al bul áreketimen ol tek Qazaqstannyń ǵana emes, kórshi eldiń de zańnamasyn buzdy. Endi Tımýr Sádýaqasov birden eki elde túrmege qamalýy múmkin.
Aıta ketsek, Sádýaqasov 2019 jyldyń aqpan aıynan beri Aqtaý qalasy ákiminiń orynbasary qyzmetin atqarǵan.
Eske salaıyq, buǵan deıin Soltústik Qazaqstan oblysy boıynsha ekonomıkalyq tergeý departamenti Aqtaý qalasy ákiminiń burynǵy orynbasary Tımýr Sádýaqasovqa izdeý jarııalady jáne tapqan adamǵa syıaqy beriletinin habarladyq.
