Batys Qazaqstan oblysy boiynşa memlekettık kırıster departamentı 2025 jylǧy 14 aqpannan bastap Qazaqstannan Euraziialyq ekonomikalyq odaqqa müşe memleketterge öŋdelmegen küide som jäne kökserke balyqtaryn şyǧaruǧa tyiym saldy, dep habarlaidy “Adyrna” ūlttyq portaly.
Tyiym 2025 jylǧy 14 tamyzǧa deiın, iaǧni alty ai boiy küşınde bolady.
Vedomstvonyŋ habarlauynşa, būl şara tariftık emes retteu şaralaryn ıske asyru maqsatynda qabyldanuda.
Tyiymǧa säikes mūzdatylǧan jäne balǧyn nemese salqyndatylǧan kökserke men somdy eksporttauǧa bolmaidy.
Batys Qazaqstan oblysy boiynşa memlekettık kırıster departamentı tyiymnyŋ öŋdelgen mūzdatylǧan kökserke men som önımıne, iaǧni ışek-qarny alynǧan balyqqa qoldanylmaitynyn atap öttı.
“Būl önım öŋdelgen önım retınde jıkteledı, sondyqtan oǧan şekteu şaralary qoldanylmaidy. Syrtqy sauda qatysuşylaryn tyiymnyŋ qoldanylu merzımıne nazar audaruǧa jäne kedendık räsımdeu kezınde mäselelerdıŋ aldyn alu üşın tauarlardyŋ tiıstı jıkteluın mūqiiat qadaǧalauǧa şaqyramyz”, – delıngen vedomstvo habarlamasynda.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz