Memlekettık kırıster komitetı äleumettık jelıde taraǧan salyq tölemegen blogerlerdıŋ tızımıne qatysty mälımdeme jasady. Vedomstvo būl qūjattyŋ resmi emes ekenın jäne onyŋ jürgızılıp jatqan salyqtyq tekserulerge qatysy joǧyn atap öttı, dep habarlaidy "Adyrna" ūlttyq portaly.
Komitettıŋ habarlauynşa, jelıde taraǧan tızım memlekettık kırıster organynyŋ salyqtyq baqylau aktısı emes.
"Äleumettık jelıde taraǧan tızım salyqtyq baqylau jürgızetın memlekettık kırıster organynyŋ resmi qūjaty bolyp sanalmaidy", – delıngen vedomstvonyŋ habarlamasynda.
Būǧan deiın internette salyqtan jaltarǧan qazaqstandyq blogerler men şou-biznes ökılderınıŋ tızımı taraǧan bolatyn.
2023 jyldyŋ 29 qazanyndaǧy resmi derekke säikes, elımızde tırkelgen 745 bloger 9 ai ışınde memleketke 1,2 milliard teŋgeden astam salyq tölegen.
Salyq kodeksıne säikes, Instagram, YouTube, TikTok jäne basqa da äleumettık jelılerde 20 myŋnan astam jazyluşysy bar tūlǧalar resmi tabys tauyp, salyq töleuı tiıs. Olardyŋ jarnamadan jäne aqparattyq önımderdı ılgerıletuden tapqan tabystaryna zaŋ boiynşa salyq salynady.
Ūqsas jaŋalyqtar
