Äleumettık jelılerde amerikalyq bloger Konnordyŋ Qazaqstanǧa sapary turaly videosy qyzu talqylanuda. Ol elge Turizm ministrlıgınıŋ şaqyrtuymen kelgenın aityp, alaida Qazaqstanǧa kelgen sätte eşkım ony qarsy almaǧanyn jäne bailanys bolmaǧanyn mälımdegen. Būl jaǧdaiǧa bailanysty Qazaqstan Respublikasynyŋ Turizm jäne sport ministrlıgı tüsınıkteme berdı, dep habarlaidy "Adyrna".
Blogerdıŋ aituynşa, ol saparyn bırneşe ai boiy josparlap, Qyrǧyzstannan keiın Qazaqstannan da jyly qabyldau kütetının aitqan. Alaida şekarada resmi qarsy alu bolmaǧan, tıptı onyŋ sözıne qaraǧanda, elge kıru sebebı boiynşa qosymşa tekserıs te jürgızılgen.
"Sızdı elge resmi türde şaqyrdy dep elestetıŋızşı. Sız bırneşe apta men ai boiy jospardy talqylap, egjei-tegjeiın kelısesız, al kelgen künı Turizm ministrlıgı sız turaly jai ǧana ūmytyp ketedı", - dedı ol.
Ministrlık Konnordyŋ resmi şaqyrtu alǧany turaly aqparatty joqqa şyǧardy. "Ministrlık toptyq aqparattyq turlar aiasynda şeteldık blogerlerdı, turistık qauymdastyqtar men kompaniialardy şaqyru boiynşa jüielı jūmys jürgızedı, vedomstvo jūmysynyŋ şeŋberınde jeke tūlǧalardy şaqyru qarastyrylmaǧan. Jekelegen resmi ötınışter bolǧan jaǧdaida ministrlık jan-jaqty qoldau körsetedı, atalǧan blogerden ministrlıkke ötınış tüsken joq", - dep habarlady vedomstvo.
Sonymen qatar, blogermen hat almasu "Kazakh Tourism" ūlttyq kompaniiasy atynan jürgızılgenı naqtylandy. Kompaniia mälımetınşe, kelıssözder naqty uaǧdalastyqpen aiaqtalmaǧan.
"Kazakh Tourism ūlttyq kompaniiasy öz tarapynan aqparattyq qoldau körsetuge jäne eldıŋ turistık äleuetımen tanysu üşın qajettı mälımetterdı ūsynuǧa daiyn", - dep tüiındedı ministrlıktegıler.
