Almatyda köp äiel aludy nasihattaǧan jariialanymdary üşın qazaqstandyq bloger Bauyrjan Baqytjanūly jauapqa tartyldy, dep habarlaidy «Adyrna» tılşısı.
Bırneşe kün būryn ol Instagram paraqşasynda özınıŋ üş äielı bar ekenın aitqan edı.
«Olar – menıŋ ömırımnıŋ sänı ǧana emes, ömırımnıŋ tynyştyǧy. Ärqaisynyŋ mınezı, armany, uaiymy ärtürlı. Men mınsız küieu emespın, bıraq kün saiyn olardyŋ özın süiıktı sezınuı üşın barymdy salamyn», – dedı bloger.
Almaty qalalyq polisiia departamentınıŋ baspasöz qyzmetı būl jariialanymdar internet keŋıstıgın monitoringteu barysynda anyqtalǧanyn mälımdedı.
«Avtordyŋ jeke basy anyqtaldy. Oǧan qatysty qūqyqqa qaişy kontent ornalastyrǧany üşın Qazaqstan Respublikasynyŋ Äkımşılık qūqyq būzuşylyq turaly kodeksınıŋ 456-2-babynyŋ 3-1-bölıgı boiynşa äkımşılık hattama toltyryldy. Profilaktikalyq äŋgıme jürgızılgennen keiın azamat äleumettık jelıdegı paraqşasynan jariialanǧan materialdardy öz erkımen alyp tastady», – delıngen habarlamada.
