Satbayev University jäne inDrive kompaniiasynyŋ basşysy Arsen Tomskii «inVision U» fakultetın qūru turaly kelısımge qol qoidy. Būl fakultet Qazaqstan men Ortalyq Aziianyŋ daryndy tülekterıne tegın joǧary bılım berudı maqsat etken, dep habarlaidy "Adyrna" ūlttyq portaly Kursivke sıltep.
Joba 2025 jyldyŋ qyrküiegınde bastalady. Universitet 400 studentke IT, marketing jäne media, ǧylym, qoǧam, memlekettık basqaru salalary boiynşa bılım bermek.
2025 jylǧy qyrküiekte oqu Foundation daiyndyq kursynan bastalady dep kütılude. Būl kezeŋde studentter syni oilau, analitika, aǧylşyn tılı, matematika jäne IT salalary boiynşa bılım alady. Al 2026 jylǧy qyrküiekte bakalavr baǧdarlamasy ıske qosylady.
Oqu barysynda teoriialyq leksiialardan görı täjıribelık jobalar men komandalyq jūmysqa basymdyq berıledı. Sabaqtar qazaq, orys jäne aǧylşyn tılderınde jürgızıledı.
Foundation baǧdarlamasyna ötınış qabyldau 2025 jylǧy 15 säuırde bastalyp, 1 tamyzǧa deiın jalǧasady. Bakalavriatqa qabyldau 2026 jyly bastalady.
Arsen Tomskii 2022 jyly Reseidıŋ Ukrainaǧa qarsy soǧysyn aşyq synap, käsıbın Qazaqstanǧa köşırdı. 2023 jyly Qazaqstan azamattyǧyn alǧan bolatyn.
Ūqsas jaŋalyqtar
